Raspracoŭščyk ZRK Patriot pieradaść Ukrainie jašče piać kompleksaŭ. U kampanii zadavolenyja, jak jany vykarystoŭvajucca
Amierykanskaja kampanija Raytheon Technologies, jakaja raspracoŭvaje ZRK Patriot, maje namier adpravić va Ukrainu jašče piać kompleksaŭ da kanca 2024 hoda. Pra heta ŭ intervju The Wall Street Journal (WSJ) zajaviŭ kiraŭnik karparacyi Hreh Chiejs.
Pa słovach hiendyrektara Raytheon, u kampanii byli «vielmi ździŭlenyja» efiektyŭnaściu kompleksaŭ supraćpavietranaj abarony Patriot va Ukrainie. Razam ź inšymi sistemami SPA jany pierachoplivali 90% snaradaŭ.
Chiejs adznačyŭ, što Ukraina źmianiła prahramnaje zabieśpiačeńnie Patriot, kab sistema mahła adsočvać i źniščać hipierhukavyja rakiety, jakija laciać u dva razy chutčej, čym tyja, dla jakich jaje pieršapačatkova raspracavali.
Mienavita z ZRK Patriot byli źbityja rasijskija hipierhukavyja rakiety «Kinžał», jakija, jak ličyłasia, nielha pierachapić. Heta padzieja vyklikała ažyŭlenaje abmierkavańnie ŭ Minabarony ZŠA, raspaviadała CNN vysokapastaŭlenaja vajskovaja krynica ŭ Vašynhtonie.
Raniej, zapuskajučy hetyja rakiety, Rasija była ŭpeŭnienaja, što jany biez prablem paraziać celi. Ale ciapier hetyja raźliki złamanyja, tłumačyŭ surazmoviec vydańnia.
Pry hetym pierachop «Kinžała» pakazaŭ, što Patriot zdolny źbivać nie tolki balistyčnyja, ale i rakiety pavietranaha bazavańnia, što raniej dapuskałasia tolki tearetyčna, adznačaŭ jon.
Ciapier va Ukrainie znachodzicca dva kompleksy Patriot: adzin pieradali ZŠA, a druhi — Hiermanija i Niderłandy. Paviedamlałasia, što adzin ź ich byŭ paškodžany ŭ vyniku rasijskaj ataki. Paźniej, adnak, vyśvietliłasia, što paškodžańnie nieistotnaje.
Kampanija Raytheon vyrablaje asnoŭny radar i sistemu naviadzieńnia Patriot, piša WSJ. Raspracoŭščyk źniščalnikaŭ F-16 i reaktyŭnych zienitnych kompleksaŭ HIMARS Lockheed Martin vyrablaje rakiety Patriot, a ruchaviki dla ich robić Aerojet Rocketdyne.
Poŭnaja batareja Patriot składajecca z šaści asnoŭnych kampanientaŭ: hienieratary, radar, stancyja kiravańnia, anteny, puskavaja ŭstanoŭka i rakiety-pierachopniki. Usie jany pracujuć razam, kab zrabić paśpiachovy zapusk.
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary