Ukrainski ZRK Patriot atrymaŭ niaznačnyja paškodžańni, ale jaho ŭžo adramantavali — Pientahon
Aficyjny pradstaŭnik Ministerstva abarony ZŠA Sabryna Sinhch paćvierdziła na pres-kanfierencyi, što adna z ukrainskich rakietnych sistem supraćpavietranaj abarony Patriot atrymała niaznačnyja paškodžańni padčas niadaŭniaj rasijskaj ataki.
Žurnalisty spytali Sinhch, ci moža jana raskazać, jak vyjšła, što Patriot nie zmoh pierachapić adnu z rasijskich rakiet, vypuščanych pa Ukrainie.
U adkaz pres-sakratar Pientahona prapanavała adrasavać hetaje pytańnie ŭkrainskamu boku i dadała: «Kali vy kažacie pra «Patryjot», jaki byŭ paškodžany… Jon byŭ časova … jamu byŭ naniesieny niaznačny ŭron. Jaho adramantavali i jon znoŭ całkam pracuje», piša Bi-bi-si.
Raniej Ministerstva abarony Rasii zajaviła, što padčas abstrełu Ukrainy hipierhukavymi rakietami «Kinžał» była źniščana sistema Patriot, pastaŭlenaja Kijevu Złučanymi Štatami. Jakich-niebudź dokazaŭ rasijskaje vajskovaje viedamstva nie pradstaviła.
Ukrainskija aficyjnyja asoby zajavili, što paśpiachova pierachapili ŭsie šeść hipierhukavych rakiet, vypuščanych rasijanami ŭ noč na 16 maja, ale admovilisia kamientavać infarmacyju pra paškodžańnie kompleksu Patriot.
Paźniej aficyjny pradstaŭnik Pavietranych sił USU nazvaŭ hetyja zajavy rasijskaha Minabarony prapahandaj. Pavodle jaho słoŭ, źniščyć Patriot «Kinžałam» niemahčyma, bo hety kompleks składajecca ź niekalkich kampanientaŭ, raźmieščanych na adlehłaści adzin ad adnaho.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary