Lidary Afryki vyrašyli abmierkavać mir va Ukrainie z Pucinym i Zialenskim
U sustrečy ŭdzielničali prezident Jehipta Abdel Fatach as-Sisi, prezident Uhandy Joviery Musievieni, prezident Sieniehała Maki Sał dy inšyja palityki.
Lidary niekalkich afrykanskich krain damovilisia ŭzajemadziejničać z prezidentami Rasii i Ukrainy Uładzimiram Pucinym i Uładzimiram Zialenskim «na temu elemientaŭ spynieńnia ahniu i doŭhaterminovaha miru ŭ rehijonie». Pra heta havorycca ŭ zajavie na sajcie prezidenta PAR Siryła Ramafosy, jaki napiaredadni sustreŭsia z kalehami ź inšych krain kantynienta, piša RBK.
U sustrečy ŭdzielničali prezident Jehipta Abdel Fatach as-Sisi, prezident Uhandy Joviery Musievieni, prezident Sieniehała Maki Sał i inšyja palityki.
«Ministram zamiežnych spraŭ adpaviednych krain daručyli skončyć farmavańnie «darožnaj karty» miru. Prezidenty paćvierdzili hatoŭnaść adpravicca va Ukrainu i ŭ Rasieju ŭ siaredzinie červienia», — havorycca ŭ zajavie pavodle vynikaŭ mierapryjemstva.
U siaredzinie maja Ramafosa abviaściŭ pra inicyjatyvu afrykanskich krain pa mirnym urehulavańni vajny va Ukrainie. Pradstaŭniki Zambii, Sieniehała, Konha, Uhandy i Jehipta pavinny naviedać Maskvu i Kijeŭ — na heta pahadzilisia Pucin i Zialenski, jak kazaŭ prezident PAR.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram3
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary