U Biełharodskaj vobłaści znajšli avijabombu vahoj 500 kiłahramaŭ. Rasijskuju
Da najbližejšych damoŭ nie bolš za 300 mietraŭ. Bombu znajšli padčas pracy ŭ poli.
«Avijabombu FAB-500 znajšli ŭ poli kala vioski Kalinina ŭ Biełharodskaj vobłaści za 23 km ad miažy z Ukrainaj», — havorycca ŭ paviedamleńni.
Jak adznačajecca, da najbližejšych damoŭ nie bolš za 300 mietraŭ. Bombu znajšli padčas pracy ŭ poli.
Ciapier terytoryju ačapili i pastavili pobač achovu. Abiasškodzić znachodku płanujuć siońnia dniom.
Heta nie pieršy raz, kali ŭ RF znachodziać FAB-500. Pa źviestkach rasijskich miedyja, u krasaviku ŭ Biełharadzie taksama znajšli takuju avijabombu na hłybini piaci mietraŭ. Praz heta daviałosia evakujavać bolš za 3 tysiačy žycharoŭ 17 šmatpaviarchovak, raźmieščanych niepadalok.
FAB-500 — heta raspracavanaja ŭ časy SSSR 500-kiłahramovaja avijacyjnaja bomba ahulnaha pryznačeńnia z fuhasnaj bojehałoŭkaj, jakuju ŭ asnoŭnym vykarystoŭvajuć PKS Rasii. Aryhinalnaja madel M-54 vypuščanaja ŭ 1954 hodzie. Hetaja bomba niekiravanaja, jana sumiaščajecca z bolšaściu madelaŭ savieckich samalotaŭ.
Akurat takuju bombu rasijskija akupanty ŭ sakaviku 2022 hoda skinuli na 9-paviarchovy žyły dom u Charkavie. Tady jana nie razarvałasia, prabiła dach i zastałasia na techničnym paviersie, piša RBK-Ukraina.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary