Praniknieńnie ŭkrainskaj DRH na terytoryju Biełharodskaj vobłaści vyklikaje ŭ Kramli hłybokuju zaniepakojenaść i patrabuje vialikich namahańniaŭ, zajaviŭ pres-sakratar prezidenta RF Dźmitryj Piaskoŭ.
Na pytańnie pra etničnych ruskich u składzie DRH Piaskoŭ adkazaŭ, što «treba zychodzić z taho, što ŭsie jany — ukrainskija bajeviki».
Pavodle Piaskova, pravodzić śpiecyjalnaje pasiadžeńnie Savieta Biaśpieki pa situacyi ŭ Biełharodskaj vobłaści nie płanujecca — bližej da kanca tydnia adbudziecca płanavaje.
Piaskova taksama spytali, ci viadoma, kolki ludziej pranikła na terytoryju Biełharodskaj vobłaści i kolki jašče zastajecca tam. «Ja nie mahu davać hetyja ličby. Ciapier našy śpiecyjalnyja słužby zajmajucca hetym, vyśviatlajuć asoby, kolkaść i hetak dalej. Paśla taho jak jany vyśviatlać, tady ŭžo možna budzie im zadavać pytańni», — adkazaŭ jon.
Piaskoŭ taksama nie zmoh adkazać na pytańnie, čamu «začystka» Biełharodskaj vobłaści ad tych, chto napaŭ, praciahvajecca ŭžo bolš za sutki — jon pieraadrasavaŭ pytańnie ŭ pravaachoŭnyja orhany, Minabarony i FSB.
Uvahu Piaskova taksama źviarnuli na toje, što na budaŭnictva achoŭnych zbudavańniaŭ u Biełharodskaj vobłaści ŭ 2022 hodzie było vydatkavana 10 młrd rubloŭ. Jaho spytali, ci možna ličyć napad śviedčańniem poŭnaha pravału pracy pa ŭmacavańni miažy. Piaskoŭ adkazaŭ, što administracyja prezidenta nie moža davać acenki charaktarystykam achoŭnych kanstrukcyj.
Miž tym, rasijsjkija ŭłady zajavili, što ŭ Biełharodskaj vobłaści ŭ vyniku abstrełaŭ paranienyja 12 čałaviek, a žychary dzieviaci pryhraničnych nasielenych punktaŭ pakinuli svaje damy.
Hubiernatar rehijona Viačasłaŭ Hładkoŭ napisaŭ, što z ranicy nasielenyja punkty Hrajvaronskaj haradskoj akruhi padvierhlisia šmatlikim minamiotnym i artyleryjskim abstrełam.
Hładkoŭ taksama śćviardžaje, što pad abstreł trapili i inšyja rajony Biełharodskaj vobłaści. Paciarpiełych tam niama.
Ukrainski bok adkaznaść za dyviersiju na siabie nie braŭ.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Da už.. Žiełaju jemu protrieźvieť i pridti v siebia v sizo horoda -hieroja Haahi. Kak Hiorinh v Niurnbierhie,tolko etot- durak.)