Praŭładny telehram-kanał, jaki raspalvaje varožaść da palityčnych praciŭnikaŭ i Jeŭropy dy publikuje videa ździekaŭ z zatrymanych ludziej, na fonie navin pra stan zdaroŭja Łukašenki apublikavaŭ dziŭny post.
«Ja lepš pamru… Čym budu kožny dzień bačyć bčb-pieramohašalstva i sapraŭdnyja jeŭrapiejskija kaštoŭnaści», — napisaŭ aŭtar kanała «Žoŭtyja ślivy» ŭčora ŭ 11 viečara.
Niekatoryja inšyja praŭładnyja kanały pišuć, što, maŭlaŭ, Łukašenka prosta prastyŭ, nie treba nahniatać.
«Kolki Łukašenka pravioŭ u adpačynku za ŭsie hady?» — piša «Biełorusskij siłovik», namiakajučy na toje, što palityk moh zachvareć praz stomlenaść.
Apošni raz Alaksandr Łukašenka źjaŭlaŭsia na publicy 9 maja i mieŭ chvaravity vyhlad, nie zmoh prajści 300 mietraŭ razam ź inšymi kiraŭnikami krain. Na ŭračystaściach u Minsku jon upieršyniu nie vystupiŭ z pramovaj. 14 maja na aficyjnych mierapryjemstvach u honar Dnia dziaržaŭnaha ściaha, hierba i himna jon znoŭ na ludziach nie źjaviŭsia, jaho pramovu začytaŭ premjer-ministr Raman Hałoŭčanka.
Učora ŭ Dziarždumie paćvierdzili infarmacyju ab prablemach sa zdaroŭjem u Łukašenki.
Pres-słužba Łukašenki aficyjna ničoha nie kamientavała z hetaj nahody, stvarajučy bačnaść, što Łukašenka padpisvaje peŭnyja dakumienty.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»28
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary