Va ŭpraŭleńnie Dziaržaŭnaha kamiteta sudovych ekśpiertyz pa Hrodzienskaj vobłaści źviarnułasia žycharka horada Hrodna, jakaja 15 hadoŭ sumniavałasia ŭ tym, što syn zjaŭlajecca jaje bijałahičnym dziciem.
Pryčynaj, jak paviedamlajuć sudekśpierty, stali abstaviny, jakija skłalisia adrazu paśla naradžeńnia dziciaci. Jak raskazała žančyna, dzicia paśla naradžeńnia niekalki dzion znachodziłasia asobna ad jaje ŭ adździaleńni intensiŭnaj terapii. Kali jaho prynieśli na pieršaje karmleńnie, jana ŭbačyła, što heta nie jaje syn. Piersanał znajšoŭ sapraŭdnaje niemaŭla pa prymacavanych birkach. Adnak hety vypadak staŭ pryčynaj dla doŭhich pieražyvańniaŭ i sumnievaŭ u žančyny.
Situacyja ŭskładniłasia, kali dzicia padrasło i z vyhladu było mała padobnaje da baćkoŭ. Masła ŭ ahoń padlivali i «dobrazyčliŭcy»-susiedzi, jakija ŭvieś čas akcentavali na hetym uvahu. Pry hetym kožny raz u žančyny va ŭspaminach uspłyvała niepryjemnaja situacyja, jakaja adbyłasia ŭ radzilnym domie, i ŭ čarhovy raz zakradvałasia sumnieńnie: a ci sapraŭdy heta jaje dzicia? Razam sa svaim mužam jany rašylisia na hienietyčnuju ekśpiertyzu.
Vyniki ekśpiertyzy raźviejali sumnievy — chłopčyk sapraŭdy zjaŭlajecca ich bijałahičnym dziciem.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy41
Kamientary
najpierš z-za maci...
atamnaj maci
jana arała na mianie, jak varjatka, pryčym biez anijakaha povadu
nuŭ... ciapier razumieju, što jana prosta vymiaščała na mnie svaje prablemy
u dziacinstvie ja sapraŭdy časta pierahladała 2 fota-albomy... 1 darosły (dzie baćka, maci i inš.), 2 dziciačy
pierahladała ŭ pošukach padabienstva
i sapraŭdy duža sumniavałasia, što heta maje baćki... dumała, što mianie ŭziali ź dziecdoma