Cichanoŭskaja: Tolki paśla sychodu režymu Łukašenki my adnovim u Biełarusi viaršenstva prava
Demakratyčnaja lidarka Biełarusi padčas vizitu ŭ Dublin nahadała, što 232 hady tamu ŭ Jeŭropie (1791 hod) była pryniataja pieršaja Kanstytucyja — Rečy Paspalitaj, dakumient, jaki padtrymlivała biełaruska-litoŭskaja šlachta, što «robić hetuju histaryčnuju padzieju našaj ahulnaj spadčynaj».
«Demakratyja, svaboda, kanstytucyjnyja pravy — hetyja słovy da hetaha času hučać dla biełarusaŭ jak mara», jakaja amal spraŭdziłasia ŭ 2020 hodzie, ale «na źmienu joj pryjšoŭ kašmar dyktatury i hibrydnaj akupacyi», zajaviła Śviatłana Cichanoŭskaja ŭ ambasadzie Polščy 3 maja.
Pavodle jaje słovaŭ, siońnia režym u Biełarusi zmahajecca z našaj historyjaj, našymi ahulnymi hierojami i našaj ahulnaj spadčynaj.
Cichanoŭskaja paviedamiła ab pracy nad prajektam novaj Kanstytucyi Biełarusi. «Ja vieru, što na hety raz naša novaja Kanstytucyja vytrymaje vyprabavańnie časam i my vierniemsia da našych tradycyj demakratyi», — skazała jana.
Śviatłana Cichanoŭskaja naviedvaje Irłandyju z 1 pa 4 maja, nahadvaje telehram-kanał «Pozirk».
Kamientary