U Rasii prydumali, jak «minimizavać» demahrafičnyja straty krainy ŭ vajnie. Rašeńnie kreatyŭnaje
U Buracii prapanavali zamarožvać śpiermu ŭdzielnikaŭ «śpiecapieracyi». Usio dla taho, kab «minimizavać demahrafičnyja straty krainy», piša «Baza».
Takuju ideju vysunuŭ doktar ekanamičnych navuk z Burackaha dziaržuniviersiteta Mikałaj Atanaŭ. Pa zadumcy navukoŭca, dziaržavie varta stvaryć hienietyčny fond i pry im ža adkryć bank śpiermy.
Heta dazvolić pierad adpraŭkaj u zonu bajavych dziejańniaŭ zabirać u vajskoŭcaŭ hienietyčny materyjał, ale tolki kali jany sami taho zachočuć. Paśla hetaha sałdackuju śpiermu treba zamarozić, ličyć Atanaŭ.
Kali ž vajskoviec zahinie abo atrymaje ciažkaje ranieńnie, jaho blizkija zmohuć «rabić dziejańni pa ŭznaŭleńni naščadkaŭ».
Pry hetym, jak ličyć Atanaŭ, usie vydatki až da ŭstupleńnia dziaciej zahinułaha ŭ darosłaje žyćcio pavinny ŭziać na siabie ŭłady.
Pradstaŭnik Rady nacyjanalnaj biaśpieki ZŠA Džon Kirbi sa spasyłkaj na rassakrečanyja źviestki amierykanskaj vyviedki dniami zajaviŭ, što na vajnie va Ukrainie za apošnija piać miesiacaŭ zahinuła bolš za 20 tysiač rasijskich vajskoŭcaŭ, a jašče 80 tysiač atrymali ranieńni.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu20
Kamientary
Bojuś ,mient,čto daž etomu ty nie naučiłsia.