«My dojdziem da Biełarusi i skažam razam: «Žyvie Biełaruś!» Kamandzir pałka Kalinoŭskaha pavinšavaŭ biełarusaŭ
Svajo vinšavańnie na adras biełarusaŭ apublikavaŭ i połk Kastusia Kalinoŭskaha. Ad imia bajcoŭ padraździaleńnia z pramovaj vystupiŭ kamandzir pałka — Kit.
— Sto piać hadoŭ tamu našy śmiełyja prodki zmahli skazać svajo słova. Zmahli zajavić ab tym, što biełarusy majuć prava na niezaležnuju va ŭsich sensach dziaržavu. I voś užo 105 hadoŭ baraćba za hetuju dziaržavu praciahvajecca. Połk Kalinoŭskaha sa zbrojaj u rukach praciahvaje hetaje zmahańnie.
My kažam u našym zaroku na viernaść Biełarusi: «Chaj ruki maje ściskajuć zbroju, pakul šybienicy nie skončać ściskać šyi synoŭ tvaich». My ściskajem u rukach zbroju — vy nadajacie patrony.
U hety śviatočny dzień my ŭdziačnyja vam za toje, što možam praciahvać baraćbu za vyzvaleńnie. Z takim nadziejnym tyłam my jak stajali, tak i budziem stajać.
Naša ahulnaja meta — Biełaruś. Biełaruś svabodnaja, niezaležnaja i demakratyčnaja. Naša ahulnaja meta — Biełaruś ščaślivaja. I my dojdziem da Biełarusi i skažam razam: «Žyvie Biełaruś!»
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ15
Kamientary