Prysudy lidaram Biełaruskaha kanhresa demakratyčnych prafsajuzaŭ pakinuli bieź źmienaŭ
Siońnia ŭ Viarchoŭnym Sudzie Respubliki Biełaruś adbyŭsia razhlad apielacyjnaj skarhi pa vyniesienym rašeńni Minskaha haradskoha suda ŭ dačynieńni da lidaraŭ asacyjacyi prafsajuzaŭ «Biełaruski kanhres demakratyčnych prafsajuzaŭ». Sud pakinuŭ prysud u dačynieńni da lidaraŭ BKDP bieź źmien.
Nahadajem, Alaksandr Jarašuk byŭ asudžany da 4 hadoŭ kałonii va ŭmovach ahulnaha režymu, Siarhiej Antusievič — da 2 hadoŭ, a Iryna But-Husaim — da 1 hoda i 6 miesiacaŭ.
Aktyvistaŭ abvinavačvali ŭ dziejańniach, jakija hruba parušajuć hramadski paradak (č. 1 art. 342), a Jarašuka taksama ŭ zaklikach da mier abmiežavalnaha charaktaru, inšych dziejańniach, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361).
Padtrymajcie palitviaźniaŭ:
— Turma № 4. 212011, Mahiloŭ, Krupskaj, 99A, Alaksandr Iljič Jarašuk | Siarhiej Jaŭhienavič Antusievič;
— SIZA-1. 220030, Minsk, Vaładarskaha, 2, Iryna Alaksandraŭna But-Husaim.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary