Zavierbavanyja rasijskaj vajskovaj raźviedkaj, jany sačyli za polskimi čyhunačnymi linijami, jakija viaduć va Ukrainu, i rychtavali dyviersii, paviedamlaje rp.pl.
Jak paviedamlałasia raniej, Ahienctva ŭnutranaj biaśpieki zatrymała dzieviać čałaviek, jakija padazrajucca ŭ supracoŭnictvie z rasijskimi śpiecsłužbami. Pavodle infarmacyi rp.pl, u špijonskuju hrupu Rasija zavierbavała biełarusaŭ i ŭkraincaŭ — siarod zatrymanych niama rasijan.
«Padazravanyja viali raźviedvalnyja dziejańni suprać polskaj raźviedki i rychtavali dyviersii pa daručeńni rasijskaj raźviedki», — zajaviŭ u čaćvier na śpiecyjalnaj kanfierencyi Maryjuš Kamiński, kiraŭnik MUS, kaardynatar śpiecsłužbaŭ.
Špijony dziejničali ŭ Padkarpaćci na maršrutach ciahnikoŭ, jakija nakiroŭvajucca ŭ bok pamiežnych pierachodaŭ z Ukrainaj. Mienavita siudy z zachodnich krain dastaŭlali jak vajskovuju techniku, hetak i humanitarnuju dapamohu.
— Danyja śviedčać, što hetaja hrupa ažyćciaŭlała manitorynh čyhunačnych maršrutaŭ. U jaje zadačy ŭvachodziła raspaznavańnie i dakumientavańnie pieravozak z uzbrajeńniem, jakija ažyćciaŭlajucca na karyść Ukrainy, — adznačyŭ Kamiński. Pavodle jaho słoŭ, «padazravanyja taksama rychtavalisia da dyviersijnych dziejańniaŭ, nakiravanych paralizavać pastaŭki techniki, zbroi i dapamohi Ukrainie». Padrabiaznaściaŭ jon nie raskryŭ.
Prakuror Lublinskaha adździeła ŭ spravach arhanizavanaj złačynnaści i karupcyi Nacyjanalnaj prakuratury ŭ Lublinie, jaki kuryruje rasśledavańnie, vystaviŭ zatrymanym abvinavačańni ŭ špijanažy na karyść Rasii i va ŭdziele ŭ arhanizavanaj złačynnaj hrupie, za što im pahražaje dziesiać hadoŭ turmy.
Šaściarych padazravanych sud užo časova aryštavaŭ. Paśla zaviaršeńnia dopytaŭ jašče traich čałaviek śledčyja taksama nakirujuć chadajnictvy ab aryšcie.
Paviedamlajecca taksama, što špijonaŭ pryciahnuli hrošy. U Ahienctvie ŭnutranaj biaśpieki jość dokazy taho, što jany na pastajannaj asnovie atrymlivali vypłaty ad rasijskich śpiecsłužbaŭ.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju7
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7979
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie79
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary