«Tolki za ŭčarašni dzień supracoŭniki HUBAZiKa adpracavali bolš za 60 čałaviek». Siłaviki spravazdačacca za represii paśla dyviersii ŭ Mačuliščach
MUS vydała aficyjnaje paviedamleńnie adnosna taho, jak jany vykonvajuć zadańnie Łukašenki pravieści paśla paśpiachovaj dyviersii na aeradromie ŭ Mačuliščach «žorstkuju začystku».
Jak paviedamlaje MUS, «tolki za ŭčarašni dzień supracoŭniki HUBAZiKa adpracavali bolš za 60 čałaviek. 21 čałaviek pryciahnuty da administracyjnaj adkaznaści i 5 — da kryminalnaj.
Jak piša MUS, «namahańni supracoŭnikaŭ HUBAZiKa nakiravany na vyjaŭleńnie schavanych jačejek ekstremistaŭ i ich pamahatych, u tym liku ludziej, jakija finansujuć złačynnuju dziejnaść suprać Biełarusi. Da supracoŭnictva z terarystami, jak praviła, hatovy źviazanyja z najmitami asoby i ŭdzielniki ekstremisckich farmavańniaŭ, naprykład, płana «Pieramoha». Spyniajecca dziejnaść aktyvistaŭ i ŭnutry krainy, jakija raspalvajuć varožaść u internecie».
Miž tym, jak zaŭsiody ŭ padobnych vypadkach, jość abhruntavanyja sumnievy ŭ tym, što łukašenkaŭskija siłaviki dziejničajuć na padstavie niejkaj realnaj infarmacyi, što tyja ci inšyja ludzi majuć dačynieńnie da praviadzieńnia akcyi. Hałoŭnaja meta — zapałochvańnie, tamu vialikaja vierahodnaść, što pad represii traplajuć i zusim vypadkovyja ludzi.
Ciapier čytajuć
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy4
Danyja pakupnikoŭ upryhožańniaŭ Belaruskicry mahli trapić u ruki siłavikoŭ. HUBAZiK pahražaje kryminałkaj za novyja zakazy
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary