Jutub vydaliŭ kanał Vavana i Leksusa. Apošniaja achviara rasijskich prankieraŭ — eks-kiraŭnik MZS Vialikabrytanii
Jutub spačatku zabłakavaŭ, a zatym vydaliŭ kanał skandalna viadomych kramloŭskich prankieraŭ Vavana i Leksusa. Pra heta 5 sakavika paviedamili sami prankiery ŭ svaim telehram-kanale. Pryčyna — parušeńnie praviłaŭ supolnaści jutuba. Ale prankiery ličać, što hety krok byŭ źviazany ź ich niadaŭnim rozyhryšam byłoha kiraŭnika brytanskaha MZS Uiljama Chejha.
«Naš kanał zabłakavali. Pastaralisia Vialikabrytanija i łord Chejh. Mabyć, čym bolš hučać sakrety zachodnich čynoŭnikaŭ, tym chutčej jany sprabujuć ich prykryć», — napisali Vavan i Leksus, nazvaŭšy rašeńnie palityčnym krokam i dyskryminacyjaj.
Napiaredadni Uładzimir Kuźniacoŭ (Vavan) i Alaksiej Stalaroŭ (Leksus) pahavaryli z byłym lidaram Kansiervatyŭnaj partyi Vialikabrytanii i eks-ministram zamiežnych spraŭ Vialikabrytanii Uiljamam Chejham ad imia eks-prezidenta Ukrainy Piatra Parašenki. Poŭnaje videa było apublikavana 1 sakavika.
Nahadajem, što rasijskija prankiery Vavan i Leksus prasłavilisia dziakujučy zvankam-rozyhryšam mnohim znakamitaściam płaniety.
Siarod ich «achviar» byli takija viadomyja asoby, jak Śviatłana Aleksijevič, Styvien Kinh, Džoan Roŭlinh, Ełtan Džon, Borys Džonsan, Andžej Duda, Piatro Parašenka, Michaił Saakašvili i navat Alaksandr Łukašenka.
Taksama prankiery niekalki razoŭ razyhryvali jeŭrapiejskich palitykaŭ, telefanujučy niby ad asoby Śviatłany Cichanoŭskaj (tak jany telefanavali členam parłamienta Danii i kiraŭniku Jeŭraparłamienta).
Čytajcie jašče:
U internecie apublikavali videa, jak kamandujučy rasijskaj hrupoŭkaj u Biełarusi tancuje aholeny. Intryha — dla kaho
U Vilni vystupiŭ skandalny rasijski repier. Pierad kancertam prajšła akcyja pratestu, nie abyšłosia biez bojki i zatrymańniaŭ
Bajdenu paśpiachova vydalili puchlinu skury
Ciapier čytajuć
Ź Ministerstva kultury zvolnili pieršaha namieśnika Markava3
Kamientary