Artyst, jaki vystupaje ŭ «DNR», sabraŭ anšłah u «Minsk-Arenie»
Jašče 22 lutaha rasijskaja pop-zorka Ryhor Leps śpiavaŭ na «patryjatyčnym» kancercie ŭ maskoŭskich «Łužnikach», dzie słavili vajnu, a ŭžo 25-ha adyhraŭ kancert u «Minsk-Arenie» — i sabraŭ anšłah.
Pra toje, što ŭsie bilety na minski kancert Lepsa byli pradadzienyja, pisała tochka.by. Taksama heta padkreślili na aficyjnaj staroncy Lepsa ŭ instahramie.
Zvyčajnyja hledačy rassypalisia ŭ kamplimientach śpievaku, nie zvažajučy na jaho padtrymku rasijskich akupantaŭ. Voś niekalki prykładaŭ z sacsietak, pa jakich taksama bačna, nakolki poŭnaja była «Minsk-Arena» ŭ subotni viečar.
Nie ŭsie, adnak, spakojna pryniali taki intares z boku biełarusaŭ da asoby Ryhora Lepsa. Naprykład, jutub-viadučy Kanstancin Kavieryn napisaŭ pra anšłah na «Minsk-Arenie» tak: «Sa mnoju tut padzialilisia cikavym videa. Na im — poŭnaja «Minsk-Arena», jakaja radasna padpiavaje Ryhoru Lepsu. Nastupnym dniom paśla hadaviny z momantu pačatku vajny. Pryjšli na Lepsa, jaki zaŭsiody ŭ pieršych šerahach, kali treba niedzie padtrymać Pucina, pryjšli, słuchajuć i padpiavajuć. Radasna. Nie na školnym stadyjončyku horada Słucka. Heta značyć, nie 50 čałaviek. I nie 100. I navat nie tysiača. Cełaja «Minsk-Arena».
22 lutaha Leps vystupiŭ na vialikim kancercie ŭ maskoŭskich «Łužnikach», dzie pradstaviŭ novuju pieśniu sa słovami: «Radzima-maci kliča, nie padviadzi jaje. Za ciabie ŭstanu, Rasija-mama». Na scenu padčas mitynhu vychodzili taksama rasijskija sałdaty, dzieci z Maryupala i, viadoma, Uładzimir Pucin.
Taksama Leps nieadnarazova naviedvaŭ z kancertami ŭschod Ukrainy, akupavany Rasijaj. U minułym hodzie, naprykład, jon rabiŭ heta ŭ mai, červieni, lipieni, pryvoziŭ u «DNR» humanitarku i śpiavaŭ na kancercie, pryśviečanym «dałučeńniu» da Rasii akupavanych ukrainskich terytoryj: Danieckaj, Łuhanskaj, Chiersonskaj i Zaparožskaj abłaściej.
«Naša Niva» — bastyjon biełaruščyny
PADTRYMAĆU novy sankcyjny śpis ES mohuć trapić Mikita Michałkoŭ i Ryhor Leps
Leps zładziŭ bojku na vulicy ŭ Sankt-Pieciarburhu. Paciarpieły dabiŭsia kryminalnaj spravy
Tur pa Rasii i ŭznaharody ad milicyi. Što adbyvajecca ŭ žyćci praŭładnych biełaruskich zorak?
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary