Novy kanflikt u rasijskaj armii: frantavik patrabuje rasstrełu hienierała
Viadomy svaimi šavinistyčnymi pohladami rasijski błohier-frantavik «Trynaccaty» atakavaŭ hienierała Arkadzia Marzojeva.
«Trynaccaty» maje bahaty vajenny dośvied: jon udzielničaŭ u kampanii 2014 hoda, u vajnie suprać Ukrainy ź pieršaha dnia. U błohiera zvyš 86 tysiač padpisčykaŭ u telehramie.
Hienierał Marzojeŭ taksama maje vialiki vajenny dośvied. Jon udzielnik dźviuch čačenskich vojnaŭ, vajny ŭ Hruzii. U 2021 hodzie Marzojeŭ byŭ pryznačany kamandziram 22-ha armiejskaha korpusa, jaki raźmieščany na terytoryi Kryma. 7 śniežnia 2022 hoda ŭkazam prezidenta Rasii jamu było prysvojena zvańnie hienierał-lejtenant.
Vajenny błohier abvinavačvaje hienierała ŭ biazdarnym kamandavańni. 22-i armiejski korpus, jakim kamanduje hienierał, u pieršyja dni vajny straciŭ kala paŭtary tysiačy bajcoŭ, piša «Trynaccaty». Ad 126-j bryhady bierahavoj achovy, jakaja ŭvachodzić u skład korpusa, zastałasia, pa słovach błohiera, u lepšym vypadku čaćviortaja častka.
Frantavik uskładaje na hienierała adkaznaść za pravał apieracyi pa zachopie aeraporta ŭ Mikałajevie, stratu vajskovaj techniki ŭ vyniku rakietnych udaraŭ ukraincaŭ pa aeradromie ŭ Čarnabajeŭcy, razhrom jak minimum troch kałon žyvoj siły.
Na hetym abvinavačvańni nie zakančvajucca.
Pa mierkavańni błohiera, hienierał Marzojeŭ vinavaty ŭ tym, što choć i viedaŭ pra arhanizavany adychod rasijskich vajskoŭcaŭ z Chiersona, nie arhanizavaŭ padrychtoŭku abarony astravoŭ na Dniapry, u vyniku čaho «adzin tolki Paciomkin vostraŭ čaho kaštuje, kolki tam chłopcaŭ z 126, 127 i 25 zahinuła».
Zahinułych tam hienierał ličyć «źnikłymi bieź źviestak», śćviardžaje vajskoviec.
Bolš za ŭsio «Trynaccataha» dzivić, što «nivodnaha adkaznaha za toj p…c, što adbyvajecca, nie toje što nie pakarali, a bolš za toje, pavysili!».
«Trynaccaty» patrabuje trybunała nad hienierałam Marzojevym.
Raniej hučnyja kanflikty mieli miesca pamiž vahnieraŭcami i Ministerstvam abarony, a čaści, ukamplektavanyja ŭ Tatarstanie i Tyvie, admovilisia ŭdzielničać u nastupie pad Vuhladaram i dabilisia advodu.
Čytajcie taksama:
«Vy tam …anuliś …iadi kriemlevskije?» Rasijskich błohieraŭ i vajenkaraŭ parvała ad naviny pra pieramirje
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary
Pusť oni choť pieriestrielajut odin odnoho.
Formirujtie i ośvieŝajtie našu poviestku.