Biełaruska vielmi kryŭdna sastupiła siońnia Karalin Vaźniacki – 6:1, 4:6, 5:7.
Biełaruskaja tenisistka Viktoryja Azaranka prajhrała druhi matč vynikovaha turniru 2009 hoda. U sieradu, 28 kastryčnika, jana vielmi kryŭdna sastupiła datčancy Karalin Vaźniacki – 6:1, 4:6, 5:7.
Pieršy set biełaruska vyjhrała biez prablem, uziaŭšy try čužyja padačy - 6:1.
U druhim – uźnikli prablemy. Tak, piaty hiejm praciahvaŭsia ažno 30 chvilin, Vaźniacki mieła ažno siem brek-pojntaŭ, ale Azaranka uziała toj hiejm, ale sastupiła partyju - 4:6.
U trecim secie pry liku 5:5 (Azaranka viała ŭ liku 4:2, pryčym uziała tolki adzin hiejm i čatyry čužyja, datčanka polskaha pachodžańnia, adpaviedna, uziała taksama tolki adzin svoj hiejm)
Viktoryja była pakarana za niespartovyja pavodziny.
Sastupajučy set, jana spačatku demanstratyŭna zapuliła miač na trybuny, za što atrymała zaŭvahu ad sudździ, potym złamała svaju rakietku ad kort – znoŭ zaŭvaha, potym złamała jašče adnu rakietku ŭžo za miežami korta, za što ŭrešcie i była pakaranaja adnym bałam – 5:6.
U 12-m hiejmie biełaruska prosta stała.
Vaźniacki biez prablem uziała hiejm i adpaviedna set (5:7) i naohuł matč, jaki doŭžyŭsia try hadziny.
Takim čynam u biełaruski adna pieramoha (učora nad sierbkaj Jelenaj Jankavič - 6:3, 6:2) i adna paraza pry roźnicy setaŭ – 3:2.
U piatnicu Azaranka miełasia zhulać ź pieršaj rakietkaj śvietu rasijankaj Dzinaraj Safinaj,
jakaja siońnia pry liku 1:1 u pieršym secie admoviłasia ad matču ź Jelenaj Jankavič z pryčyny traŭmy śpiny. Jankavič takim čynam pieramahła, Safinaj zaličana paraza.
Stanovišča: Vaźniacki - 1 pieramoha (1 hulnia), Azaranka - 1 (2 hulni), Jankavič - 1 (2 hulni). Safina - 0 (1).
***
Vynikovy turnir najlepšych tenistak śvietu prachodzić u stalicy Katara horadzie Docha.
Viktoryja Azaranka (6-y pasieŭ) trapiła ŭ «biełuju» hrupu razam ź Dzinaraj Safinaj (Rasija), Jelenaj Jankavič (Sierbija) i Karalin Vaźniacki (Danija). Adrazu paśla hetaha matču pačniecca hulnia Safina — Jankavič.
U čaćvier u našaj hrupie zhulajuć D. Safina i K. Vaźniacki. Svoj zaklučny matč — suprać Dzinary Safinaj — Viktoryja Azaranka praviadzie ŭ piatnicu.
U «bardovaj» hrupie hulajuć Sierena i Vienus Uiljams, Jelena Dziamienćjeva i Śviatłana Kuźniacova.
Za kožny vyjhrany matč u hrupie tenisistka atrymaje 100 tys. dalaraŭ. Pieramožca turniru atrymaje 1,55 młn dalaraŭ, finalistka — 780 tys. dalaraŭ.
U paŭfinały vychodziać pa dźvie lepšyja tenisistki z hrupy (31 kastryčnika). Finał — 1 listapada.
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary