Ukraina prapanavała «formułu miru» ź dziesiaci punktaŭ. Raskazvajem, što za jany
«Toje, što taksama budzie słužyć harantyjami svabody i biaśpieki dla inšych narodaŭ».
Fota: Jacquelyn Martin, AP
Prezident Ukrainy Uładzimir Zialenski ŭ svaim telehram-kanale kanale padzialiŭsia videa, u jakim prezientujecca apisańnie ŭkrainskaj «formuły miru», jakaja składajecca ź dziesiaci punktaŭ.
Zialenski adznačyŭ, što hetyja dakładnyja punkty zdolnyja stvaryć novuju i hłabalna važnuju architekturu biaśpieki, jakaja ŭ tym liku daść harantyi svabody i zachavanaści inšym narodam.
Unizie pryvodzim uvieś śpis dadzienych punktaŭ.
- Radyjacyjnaja i jadziernaja biaśpieka — zabieśpiačeńnie biaśpieki i ŭkrainskaha kantrolu nad usimi atamnymi abjektami krainy, a taksama vykonvańnie Rasijaj usich pravił MAHATE.
- Charčovaja biaśpieka — zabieśpiačeńnie bieśpierabojnaj i pastajannaj pracy «Zbožžavaj inicyjatyvy», vyzvaleńnie ŭsich ukrainskich marskich partoŭ.
- Enierhietyčnaja biaśpieka — pradastaŭleńnie nadziejnych sistem SPA dla abarony ŭkrainskich enierhietyčnych abjektaŭ.
- Vyzvaleńnie ŭsich pałonnych pa formule «ŭsich na ŭsich» i departavanych — viartańnie va Ukrainu ŭsich vajennapałonnych i departavanych u Rasiju ŭkrainskich hramadzianskich asob.
- Vykanańnie Statuta AAN — adnaŭleńnie terytaryjalnaj cełasnaści Ukrainy i suśvietnaha paradku, pry jakim Rasija pavažaje ŭkrainski suvierenitet.
- Vyvad rasijskich vojskaŭ z usioj ukrainskaj terytoryi i spynieńnie bajavych dziejańniaŭ — viartańnie da ŭkrainskich miežaŭ ad 1991 hoda razam z Krymam i Danbasam.
- Adnaŭleńnie spraviadlivaści — trybunał dla vinavatych u ahresii i kampiensacyja ŭsioj pryčynienaj škody.
- Procidziejańnie ekacydu — reabilitacyja pryrody, jakaja paciarpieła ad vajny.
- Harantyi biaśpieki dla Ukrainy — niedapuščeńnie paŭtornaha kanfliktu ŭ budučyni.
- Fiksacyja zakančeńnia vajny — padpisańnie aficyjnaha dakumientu, jaki śviedčyć ab zakančeńni kanfliktu i zamacoŭvańni novaj architektury biaśpieki.
Čytajcie jašče:
63 rasijskich pałonnych abmianiali na 116 ukrainskich
Abrany prezident Čechii: Ukrainie pavinny dać usiu zbroju, akramia jadziernaj
Padalak: Ukraina płacić vielmi vysokuju canu za ŭtrymańnie Bachmuta, ale my nie možam jaho pakinuć
Ciapier čytajuć
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom1
Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary