«U budučyni tut vyraście mižnarodny horad-spadarožnik». Kiraŭnik «Vialikaha kamienia» raskazaŭ pra pierśpiektyvy, jakija zachodziać daloka za haryzont
Industryjalny park «Vialiki kamień» u Smalavickim rajonie — samy vialiki prajekt Kitaja ŭ Biełarusi. Jak jon raźvivajecca i kolki zarablajuć supracoŭniki, raskazaŭ u efiry STB kiraŭnik administracyi parka Alaksandr Jarašenka.
Pavodle Jarašenki, kitajskija vydatki na stvareńnie hetaha industryjalnaha parka pakul nie akupilisia: usiaho Kitaj ukłaŭ bolš za 800 miljonaŭ dalaraŭ. Ale voś biełaruski ŭniosak nibyta ŭžo daŭ plon: vydatkavali bolš za 37,5 miljona dalaraŭ ź biudžetu, a viarnuli ŭžo 60 miljonaŭ.
Z 12 000 hiektaraŭ terytoryi parka ŭžo zasvoili 855.
Bolš za 85% supracoŭnikaŭ parka na siońniašni dzień — biełarusy. Zarobki ŭ ich, pavodle Jarašenki, «davoli vysokija», u siarednim 3 tysiačy rubloŭ.
Ekspart i kolkaść rabotnikaŭ u «Vialikim kamieni» płanujuć naroščvać: chočuć mieć bolš za 350 miljonaŭ dalaraŭ ekspartu i nie mienš za 5 tysiač supracoŭnikaŭ.
Rezidenty parka, pavodle Jarašenki, pastaŭlajuć svaju pradukcyju ŭ 20 krain śvietu, ahulny ich ekspartny składnik u minułym hodzie pavinien byŭ pieravysić 100 miljonaŭ dalaraŭ. Nie tak šmat, bo heta tolki pačatak šlachu.
Asnoŭnaja praca — «na našym Jeŭrazijskim kantyniencie», ale «jość pastaŭki i ŭ inšyja krainy śvietu: ZŠA, Hiermanija, Jeŭropa i hetak dalej».
Za minuły hod parku ŭdałosia pryciahnuć 19 novych rezidentaŭ (usiaho ich ciapier 102), u hetym hodzie płanavy ŭzrovień prahnazujecca vyšejšy — na 20.
Uvohule ž Alaksandr Jarašenka aptymistyčna dadaje:
«Kali achapić pierśpiektyvy «Vialikaha kamienia», to jany zachodziać daloka za haryzont. U budučyni tut vyraście mižnarodny horad-spadarožnik. Vysokatechnałahičny, sučasny, abaviazkova z prystaŭkaj «eka».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym5
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary