Ekspart biełaruskaj pradukcyi ŭ Rasiju vyras u 1,4 raza, u Kitaj — amal u 2 razy
«Rynak Rasijskaj Fiederacyi hatovy spažyć usio, što my zrabili», — pachvaliŭsia namieśnik premjer-ministra Piotr Parchomčyk u efiry ANT.
«Ekspart u Rasijskuju Fiederacyju vyras u 1,4 raza — heta vielmi dobry vynik u cełym dla pramysłovaści Biełarusi. Upieršyniu ŭ historyi my atrymali stanoŭčaje ekanamičnaje salda ŭ adnosinach z Rasijaj.
Pry sychodzie z hetaha rynku šerahu zamiežnych kampanij dla pramysłovych pradpryjemstvaŭ Biełarusi adkrylisia mahčymaści. My zmahli vielmi chutka pieraaryjentavać ekspart z ukrainskaha rynku na rynak Rasijskaj Fiederacyi, jaki hatovy spažyć usio toje, što my zrabili», — skazaŭ namieśnik premjera.
Ekspart u Kitaj, pa jaho słovach, za 11 miesiacaŭ vyras na 86%.
Parchomčyk taksama dadaŭ, što najbližejšyja 3 hady buduć «kamfortnyja ŭmovy» dla cen na naftu i haz.
«Z ulikam tych umoŭ, jakija siońnia prapanujucca dla biznesu ŭ Jeŭropie abo najbližejšych krainach, my majem vielmi vialikuju kankurentnuju pieravahu».
Čynoŭnik zajaviŭ, što jany nie admaŭlajucca ad jeŭrapiejskaha rynku i starajucca pradavać tam pradukcyju.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary