Ihar Nieścieraŭ byŭ siarod tych, chto farmavaŭ kulturnuju aŭru Viciebska. Jamu byŭ 61 hod.
Pra śmierć Ihara Nieścierava paviedamili kalehi. Pavodle ich, jaho nie stała 13 studzienia.
«Ihar byŭ nieabyjakavym i aktyŭnym viciablaninam. Redaktar haziety «Vitiebskije diełovyje novosti», zasnavalnik haziety «Tieleviestnik», deputat Viciebskaha harsavieta (1990—1997), u apošnija hady jon nie zastavaŭsia biezuvažnym da padziej u našym horadzie i krainie», — adznačana na staroncy Ihara Nieścierava ŭ fejsbuku.
Ihar Nieścieraŭ adstojvaŭ spraviadlivaść, nie byŭ abyjakavym da tych, chto traplaŭ pad pieraśled ułady, kažuć pra jaho kalehi.
«Jon umieŭ zmahacca za svaje pravy i vučyŭ hetamu inšych. Byŭ nieabyjakavym da taho, što adbyvajecca ŭ horadzie, udzielničaŭ u lubych karysnych hramadskich inicyjatyvach. Takija ludzi pavinny być u miascovaj uładzie», — adznačajuć jany.
Ihar Nieścieraŭ mieŭ techničnuju adukacyju. Byŭ vypusknikom Leninhradskaha technałahičnaha instytuta chaładzilnaj pramysłovaści (Sankt-Pieciarburhski dziaržaŭny ŭniviersitet nizkatempieraturnych i charčovych technałohij).
Paśla deputackaj dziejnaści ŭ kancy 1990-ch i pačatku 2000-ch hadoŭ redahavaŭ infarmacyjna-analityčny štotydniovik «Vitiebskije diełovyje novosti». Heta była hazieta dla tych, chto «addaje pieravahu viedańniu praŭdy». Jaje zasnavalnikam była Asacyjacyja najmalnikaŭ i pradprymalnikaŭ Viciebskaj vobłaści.
Paźniej zasnavaŭ hazietu «Tieleviestnik».
Ihar Nieścieraŭ cikaviŭsia historyjaj, kulturaj, mastactvam. U apošnija hady supracoŭničaŭ z muziejem historyi Viciebskaha narodnaha mastackaha vučylišča. Pra jaho kažuć, što jon adzin z tych, chto farmavaŭ kulturnuju aŭru horada.
Raźvitańnie ź Iharam Nieścieravym adbudziecca ŭ niadzielu, 15 studzienia, z 12:00 da 13:00 u rytualnaj zale na vulicy Haharyna (budynak byłoha hadzińnikavaha zavoda).
Pamior pinski aktyvist Aleś Aŭsiejenka
U hrodzienskaj turmie pamior mastak Rusłan Karčauli
Jany syšli ŭ 2022 hodzie. Zhadvajem biełarusaŭ, jakich my sioleta stracili
-
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie
-
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
-
«Takoje ž pošłaje i durnoje». U Łatuški adkazali na novaje videa Volhi Karpušonak
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary