U Minsku spraścili zvarot u «Adno akno» pa niekatorych pracedurach
U Minsku pačaŭ dziejničać eksterytaryjalny pryncyp dla šerahu administracyjnych pracedur, paviedamili ŭ Minharvykankamie. Z 1 studzienia minčanie mohuć źviartacca ŭ administracyi rajonaŭ stalicy dziela praviadzieńnia administracyjnych pracedur praz słužbu «Adno akno» niezaležna ad miesca pražyvańnia ŭ horadzie, piša Office Life.
Fota: Jandeks.Karty
Sproščany paradak zvarotu ŭ «Adno akno» dziejničaje dla pracedur, jakija ŭvachodziać u śpis, zaćvierdžany ŭkazam Łukašenki № 200 ad 26.04.2010 i jaki raźmieščany na sajcie Minharvykankama.
Usiaho ŭ pieraliku amal 50 administracyjnych pracedur, siarod ich:
- uzhadnieńnie pierapłaniroŭki kvatery ci ŭstanoŭki anten i inšych kanstrukcyj;
- vydača dazvołu na prodaž pabudavanaha za košt siamiejnaha kapitału žylla praź piać hadoŭ z dnia rehistracyi;
- vydača dazvołaŭ na inšyja dziejańni ź siamiejnym kapitałam;
- vydača niekalkich vidaŭ paśviedčańniaŭ;
- pryniaćcie rašeńniaŭ pa kapitalnych budynkach i mašyna-miescach, pa pieravodzie žyłych pamiaškańniaŭ u niežyłyja i nazad i inš.
Kamientary