Kiraŭnik miedcentra «Nardzin» Dźmitryj Sajkoŭ adnaviŭ pryjom pacyjentaŭ
Kiraŭnik miedycynskaha centra «Nardzin» Dźmitryj Sajkoŭ, jakim u mai 2022 hoda zacikavilisia siłaviki, viarnuŭsia da pracy i znoŭ prymaje pacyjentaŭ.
Tak, na sajcie miedcentra paviedamlajecca, što najbližejšaja data zapisu na pryjom da Sajkova — 21 studzienia. Doktar pravodzić lačeńnie zaležnaściaŭ, zališniaj vahi, zaikańnia, enurezu i niekatorych skurnych zachvorvańniaŭ.
Da pracy jon prystupiŭ u śniežni minułaha hoda, paviedamili vydańniu Smartpress u miedustanovie.
Prablemy ŭ «Nardzina» pačalisia ŭ piatnicu 13 maja, kali ŭ miedcentr pryjšoŭ DFR. Była kanfiskavana dakumientacyja, u tym liku staryja žurnały rehistracyi pacyjentaŭ. Sajkova i jaho žonku zatrymali va ŭłasnym domie padčas adpačynku na Brasłaŭskich aziorach. Uviečary ich adpuścili.
Paźniej ŭ «Nardzinie» vyjavili parušeńni pry praviadzieńni artapiedyčnych umiašańniaŭ i fakty ŭchileńnia ad vypłaty padatkaŭ.
U žniŭni Minzdaroŭja prypyniała dziejnaść miedcentra na niejki čas.
Čym viadomy doktar Sajkoŭ, u čyju kliniku naviedaŭsia DFR
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary