Ministerstva abarony Rasii ŭ aŭtorak zajaviła, što rakietnyja i pavietranyja ŭdary, naniesienyja na ŭschodzie Ukrainy, źniščyli «dźvie startavyja rampy dla reaktyŭnych sistem załpavaha ahniu HIMARS amierykanskaj vytvorčaści».
Pa paviedamleńniach rasijskaha viedamstva, usiaho ŭžo było źniščana ci paškodžana 35 sistem, chacia pastaŭlena Ukrainie tolki 20.
Pradstaŭnik pa pytańniach nacyjanalnaj biaśpieki ZŠA Džon Kirbi ŭ razmovie z žurnalistami ŭ sieradu zajaviŭ: «Ja bačyŭ rasijskija zajavy, u adkaz na heta my nie majem nijakaj infarmacyi, jakaja paćviardžała b hetaje paviedamleńnie.
Davajcie budziem ščyrymi. Heta vajna Rasii suprać Ukrainy. I Pucin moža kolki zaŭhodna śćviardžać, što heta niejkaja baraćba suprać Zachadu, što heta žyćciova važna dla jaho biaśpieki, što heta ZŠA suprać Rasii, što heta NATA suprać Rasii — my ŭsie viedajem, što heta poŭnaje hłupstva».
Kamientary