Estonija maje namier pieršaj u Jeŭropie pieradać zamarožanyja aktyvy Rasii Ukrainie
Paśla ŭvarvańnia Rasii va Ukrainu Jeŭrapiejski sajuz zamaroziŭ aktyvy Kramla, jakija znachodziacca ŭ jaho rasparadžeńni, na sumu 17 miljardaŭ jeŭra, a taksama sankcyi zamarozili valutnyja reziervy Centralnaha banka Rasii na sumu 300 miljardaŭ jeŭra, pieradaje Postimees.
Adnak, pakolki Jeŭrapiejskaja kamisija nie prasoŭvajecca ŭ pryniaćci rašeńnia ab vykarystańni hetych aktyvaŭ, to Estonija ŭziała spravu ŭ svaje ruki i pačynaje hety praces samastojna.
«Jeŭrapiejskija krainy daručyli Jeŭrakamisii raspracavać jurydyčnuju schiemu, jakaja dazvoliła b vykarystoŭvać zamarožanyja aktyvy dla dapamohi i adnaŭleńnia Ukrainy. Ale kansiensus pa hetym pytańni pakul nie dasiahnuty», — skazaŭ ministr zamiežnych spraŭ Urmas Rejnsału.
«My abmierkavali heta va ŭradzie i vyrašyli, što paralelna pačniom stvareńnie jurydyčnaj struktury, jakaja dazvolić vykarystoŭvać hetyja hrošy», — skazaŭ Rejnsału Postimees.
Pa słovach Rejnsału, takoje rašeńnie Estonii taksama stała b precedentam z punktu hledžańnia mižnarodnaha prava.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju7
Kamientary