Paraŭnali, kolki prahladaŭ sabrali ŭ jutubie zvaroty Cichanoŭskaj i Łukašenki
Za 20 hadzinaŭ na asnoŭnych płatformach jutuba videa z vystupam lidarki demakratyčnaj Biełarusi nabrała 326 tysiač prahladaŭ. U Alaksandra Łukašenki — 458 tysiač. Łukašenkaŭ vystup sabraŭ taksama bolš kamientaroŭ — ale mnohija ź ich jaŭna napisanyja botami pad kapirku.
Śviatłana Cichanoŭskaja
Vystup Śviatłany Cichanoŭskaj, akramia jaje Youtube-kanała, tranślavali Jeŭraradyjo, «Kraina dla žyćcia», «Biełsat NEWS»:
— 135 tysiač prahladaŭ sabraŭ zvarot na jaje Youtube-kanale;
— 76 tysiač na kanale «Kraina dla žyćcia»;
— 72 tysiačy na Jeŭraradyjo;
— 43 tysiačy prahladaŭ na «Biełsat NEWS».
12-chvilinny vystup Śviatłany Cichanoŭskaj prakamentavali 2010 čałaviek.
Lidarka demakratyčnaj Biełarusi źviarnułasia da suajčyńnikaŭ pa-biełarusku i pa-rusku. Jana zaklikała da adzinstva, kab nie dapuścić uciahvańnia Biełarusi ŭ vajnu.
«Rasija prajhraje hetuju vajnu, a my, biełarusy, ci adpravimsia za joju ŭ prorvu, ci zmožam pabudavać mirnuju budučyniu, jakuju zasłuhoŭvajem», — kazała ŭ zvarocie Śviatłana Cichanoŭskaja.
Letaś, za pieršyja 24 hadziny videazvarot Śviatłany Cichanoŭskaj sabraŭ 711 tysiač prahladaŭ na čatyroch asnoŭnych jutub-kanałach, jakija jaho tranślavali.
418 tysiač čałaviek pahladzieli jaho ŭ jutub-kanale samoj Cichanoŭskaj. 127 tysiač prahladaŭ zvarot nabraŭ na kanale «Biełsata», 123 tysiačy razoŭ na kanale «Kraina dla žyćcia» i 43 tysiačy na kanale «Radyjo Svaboda».
Alaksandr Łukašenka
Vystup Alaksandra Łukašenki pakazvali na svaich Youtube-kanałach BT, STB, BiełTA, ANT:
— 192 tysiačy prahladaŭ Łukašenkaŭ zvarot sabraŭ na kanale BiełTA;
— 157 tysiač u ANT;
— 78 tysiač prahladaŭ u BT;
— 31 tysiača ŭ STB.
Praŭda, tradycyjna aŭdytoryju hetych kanałaŭ u značnaj stupieni składajuć rasijanie i ruskija ŭ roznych krainach śvietu.
16-chvilinny vystup Alaksandra Łukašenki sabraŭ 3720 kamientaroŭ.
Łukašenka vystupaŭ pa-rusku. Jon abviaściŭ 2023-ci «hodam miru i stvareńnia» i zaklikaŭ šanavać ludziej u pahonach.
«Nastupny hod my abjaŭlajem Hodam miru i stvareńnia. Heta adpaviadaje i duchu času, i pamknieńniam našych sercaŭ», — abviaściŭ u zvarocie Łukašenka.
U apošni dzień 2022 hoda kalinoŭcy šturmavali rasijskija pazicyi, dvuch bajcoŭ lohka paraniła. Novy hod dobraachvotniki sustreli himnam «Pahonia» VIDEA
«Chaču pažadać biełarusam vytrymki ŭ novym hodzie». Kiraŭnik «Bajpoła» pavinšavaŭ z 2023 hodam
«Jość čym i hanarycca». Franak Viačorka nazvaŭ 10 dasiahnieńniaŭ Ofisa Śviatłany Cichanoŭskaj
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary