Viadomy biełaruski brend z pačatku vajny adkryŭ čatyry kramy ŭ Maskvie. Dyzajniery patłumačyli svajo rašeńnie
Dyzajnierski brend ZNWR viadomy svaimi chudzi i cišotkami. Jon źjaviŭsia ŭ Babrujsku, ale z časam zavajavaŭ nie tolki biełaruski rynak.
Kramy ŭ Rasii ŭ brenda byli i raniej. Ale paśla pačatku vajny jany adkryli jašče čatyry ŭ Maskvie.
Častku biełarusaŭ u sacsietkach heta aburyła.
Brend prakamientavaŭ situacyju prajektu «1906».
«My razumiejem emacyjanalny fon, jaki panuje zaraz, ale chaciełasia b, kab heta nie zaminała ludziam pahłyblacca i bačyć rečy šyrej.
Kali my robim naš pradukt, adčyniajem našyja prastory — heta naš srodak razmaŭlać ź ludźmi. I heta toje, što my možam rabić — intehravacca ŭ padśviadomaść ludziej takim čynam i tranślavać svaje kaštoŭnaści», — tłumačyć Nasta Šastak, kreatyŭnaja dyrektarka brenda ZNWR.
Jana adznačaje, što, naprykład, u maskoŭskaj kramie ŭ HC «Atryum» u vitrynie skarystanyja kolery ŭkrainskaha ściaha.
«Nas ździviła takaja płyń niehatyŭnych kamientaroŭ. I kali b hetyja ludzi viedali kamandu znutry, im by stała soramna za takija słovy.
Idejnaść i śviadomaść — nie adnoje i toje ž».
Brend dadaje, što ŭ ich kamandzie «nie padzialajuć śviet na svaich i čužych, hatovyja nieści śviatło i zmahacca za jaho tymi srodkami, jakija dastupnyja im».
«Nichto nie pisaŭ pra toje, jak my abkleili ŭsie vitryny svaich kramaŭ u RF nadpisam PEOPLE FOR PEACE, kali pačałasia vajna, jak vypuścili liniejku cišotak i pieraličvali srodki ŭ padtrymku fondaŭ, rabili dopisy i h.d. My rabili heta moŭčki.
I my budziem praciahvać być sacyjalna adkaznym brendam, jaki ryzykuje i razmaŭlaje.
I naša novaja krama ŭ Maskvie — heta novaja płatforma, kab kazać pra važnaje, kab abjadnoŭvać ludziej, zajaŭlać na šyrokuju aŭdytoryju svaju pazicyju i być sumlennymi pierad saboj», — padsumoŭvaje kreatyŭny dyrektar.
Ciapier čytajuć
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć21
Kamientary
Dieńhi nie pachnut?