U svaim zmahańni z realnaściu Kampartyja Biełarusi adarvałasia ad jaje.
Reform.by apublikavaŭ vytrymki ź lista kamunistaŭ, jakim ź imi padzialilisia čytačy. Hety list Kampartyja Biełarusi nakiravała ŭ Minharvykankam. Siarod prapanoŭ — pierajmienavać vulicu Kalinoŭskaha ŭ Minsku, pravieści šerah mierapryjemstvaŭ u savieckim duchu.
Taksama patrabujuć zakryć načnyja hiej-kłuby «Burlesk» i «Hullivy chabatok» («Ihrivyj chobotok»), bo «ich kaštoŭnasnyja aryjenciry nie sumiaščalnyja z tradycyjnymi kaštoŭnaściami biełaruskaha naroda». U liście paznačany i adrasy kłubaŭ.
Ale reč u tym, što «Hullivaha chabatka», jaki tak aburyŭ kamunistaŭ, nie isnuje.
Adkul tady ŭźnik hety hiej-kłub?
Vierahodna, chtości z kamunistaŭ zaŭvažyŭ takuju nazvu na huhł-kartach pa adrasie vulica Centralnaja, 23. Nanieśli jaje hod tamu. Jość navat niekalki kamientaroŭ, jakija nachvalvajuć bar.
Adnak na kartach u «Jandeksie» takoha miesca niama. Pa zhadanym adrasie na fota za 2019 hod — zvyčajny pryvatny dom.
A fota, jakoje staić na zastaŭcy ŭ huhł-kartach, ź picierskaha bara «Rezident».
Chto nanios kłub na kartu, nieviadoma. Ale ŭ 2021 hodzie šmat dziŭnych pierajmienavańniaŭ zdaryłasia praz trend u tyktoku. Tady biełaruskija i rasijskija padletki pačali prysvojvać škołam advolnyja imiony — sapraŭdnych ludziej ci piersanažaŭ hulniaŭ i kino. Pra adnu z takich škoł — «imia Džorna Džavana» — navat raskazali pa STB, nie zrazumieŭšy, što heta prank.
Čytač «Našaj Nivy» dla cikavaści pazvaniŭ u Kampartyju Biełarusi spytać, jak praź ich pieradać svaje prapanovy pa palapšeńni horada. Tam paraili dasyłać ich na poštu — ich vyvučać, a paśla, kali jany vartyja taho, uklučać u list ad imia partyi i dašluć uładam. Ci buduć praviarać fakty, jakija napiša hramadzianin?
U pryjomnaj skazali, što dasłanuju infarmacyju nie vieryfikujuć — za jaje niasie adkaznaść hramadzianin, jaki jaje dasłaŭ.
Kamunisty prapanujuć pierajmienavać vulicu Kalinoŭskaha ŭ Minsku. Siarod varyjantaŭ — nazvać u honar Stalina
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary