Andreja Makareviča abviaścili «zamiežnym ahientam» z-za prapahandy «devijantnaj madeli pavodzin, jakaja nie adpaviadaje dziaržaŭnaj palitycy RF»
Muzykant Andrej Makarevič byŭ uklučany Miniustam RF u śpis «zamiežnych ahientaŭ» pa zvarocie Hałoŭnaha ŭpraŭleńnia pa supraćdziejańni ekstremizmu MUS (centr «E»). Pra heta stała viadoma z rašeńnia suda, vytrymki ź jakoha apublikavaŭ kiraŭnik «Ahory» Pavieł Čykaŭ.
U dakumiencie, u pryvatnaści, havorycca, što «bolšaja častka publikujemych Makarevičam A. V. materyjałaŭ niepasredna źviazana z tematykaj śpiecyjalnaj vajennaj apieracyi pa denacyfikacyi i demilitaryzacyi Ukrainy, u jakich abaznačany čałaviek sistematyčna raspaŭsiudžvaje niehatyŭnyja dumki ab rašeńniach, jakija prymajucca orhanami dziaržaŭnaj ułady RF i ich pradstaŭnikami, u tym liku abvinavačvajučy ŭ ździajśnieńni vajennych złačynstvaŭ, a taksama atajasamlivajučy Rasijskuju Fiederacyju i nacysckuju Hiermaniju.
Kompleksny analiz materyjałaŭ, jakija raspaŭsiudžvajucca Makarevičam A., dazvalaje zrabić vysnovu ab naŭmysnym uździejańni nazvanaj asoby na aŭdytoryju z metaj prapahandy devijantnaj madeli pavodzin, nie adpaviadajučaj dziaržaŭnaj palitycy Rasijskaj Fiederacyi».
Rašeńnie suda budzie abskardžana, paviedamiŭ Pavieł Čykaŭ.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary