Jak stała viadoma «Našaj Nivie», 80-hadovy staršynia Viarchoŭnaha Suda Valancin Sukała vypaŭ z publičnaha pola z pryčyny ciažkaj chvaroby, i ŭžo praciahły čas jon znachodzicca ŭ reanimacyi.
Jak stała viadoma «Našaj Nivie», Valancin Sukała ŭžo niejki čas nie źjaŭlajecca na rabocie, roŭna jak miesiac adsutničaje ŭ aficyjoznych zvodkach BiełTA.
Pa našaj infarmacyi, u Sukały pahoršała zdaroŭje i za jaho žyćcio daktary zmahajucca ŭ reanimacyi.
Valancin Sukała — vieteran sudovaj raboty SSSR i łukašenkaŭskaj Biełarusi.
Naradziŭsia jon u 1942 hodzie ŭ Minsku. Pierad pastupleńniem na jurfak BDU pracavaŭ tokaram.
Paśpieŭ papracavać jašče ministram justycyi BSSR, namieśnikam staršyni Viarchoŭnaha Suda SSSR. Byŭ u CK Kampartyi BSSR.
Paśla prychodu da ŭłady Alaksandra Łukašenki Valancin Sukała atrymaŭ pasadu ministra justycyi.
U 1997-m, paśla antykanstytucyjnaha refierendumu, byŭ pryznačany staršynioj Viarchoŭnaha Suda, i dahetul zajmaje hetuju pasadu.
Ën prykłaŭsia da stvareńnia režymu asabistaj ułady i vychałoščvańnia sudovaj sistemy. Za čas staršynstva Sukały pracent abvinavaŭčych prysudaŭ dasiahnuŭ 99,7, a pa palityčnych spravach — 100 pracentaŭ. Heta značyć, dakazać nievinavataść u sudzie hramadzianam stała absalutna niemahčyma, a sud pieratvaryŭsia ŭ rytuał, jaki prosta pradrukoŭvaje rašeńni, zahadzia pryniatyja ŭ siłavych strukturach.
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie4
Kamientary