Navuka i technałohii22

U smartfonach na Android znajšli sposab abychodzić parol ekrana. Raspaviadajem, jak pravieryć svoj smartfon

Akazałasia, što ŭ niekatorych madelach androidaŭ, kali vykanać prosty ałharytm, možna razbłakavać čužy smartfon biez uvodu parola. Praviercie, ci nie ŭraźlivy mienavita vaš.

Fota: TrustedReviews, pa licenzii CC BY-NC-ND 4.0

Heta dakładna pracuje z usimi telefonami Google Pixel, ale, pa źviestkach daśledčyka, jaki znajšoŭ bah, moža spracavać i ź inšymi telefonami na Android-viersijach z 10-j pa 13-ju. Vam spatrebicca tolki sim-karta, ad jakoj vy viedajecie PIN i PUK-kody, važna viedać abodva (jany jość na ŭpakoŭcy ad sim-kart). Voś vielmi prostaja instrukcyja, jak heta pracuje:

  1. Zabłakujcie pryładu.
  2. Dastańcie łatok dla SIM-kartaŭ i ŭstaŭcie SIM-kartu, jakaja patrabuje pin-kod dla razbłakiroŭki.
  3. Uviadzicie pin-kod niapravilna 3 razy, kab adklučyć SIM-kartu i jana zapatrabavała PUK-kod.
  4. Uviadzicie sapraŭdny PUK-kod dla SIM-karty i stvarycie novy pin-kod.
  5. Praviercie, ci nie razbłakavaŭsia vaš smartfon. Kali nie — na vas nie pracuje hety bah.
  6. U lubym vypadku pračytajcie, što rabić, kab abo vypravić bah, abo ŭvohule zrabić vaš telefon mienš uraźlivym.

Videainstrukcyja pa tym, jak heta pracuje. Videa: YouTube / David Schütz

U ekśpierymiencie čałaviek abychodziŭ tak błakiroŭku z adbitkam palca i pin-kodam ekrana, ale padobna, što heta pracuje dla lubych kambinacyj.

Kali vy nie možacie spraŭdzić heta sami, to paprasicie svaich siabroŭ ci blizkich, asabliva kali ŭ vas smartfon ad Google.

Što rabić, kali ŭ vas atrymałasia tak razbłakavać telefon i vy chočacie źmienšyć ryzyku takich zdareńniaŭ?

Rehularna i svoječasova abnaŭlajcie vaš telefon i prahramy ŭ im. Nie važna, ci atrymałasia ŭ vas siońnia — takich prablem vielmi šmat, źjaŭlajucca jany rehularna, a sumlennyja raspracoŭščyki starajucca svoječasova ich vypraŭlać. Tamu instrukcyja nižej padydzie dla ŭsich.

Zajdzicie ŭ mieniu abnaŭleńniaŭ telefona i pahladzicie, ci niama śviežych abnaŭleńniaŭ. Kali jość — ustalujcie i pierapraviercie jašče raz. Na telefonach Google Pixel, dakładna ŭraźlivych, heta robicca tak:

  1. Zajdzicie ŭ «Nałady» (Settings).
  2. Znajdzicie ŭkładku mieniu «Sistema» (System) > «Abnaŭleńni sistemy» (System update).
  3. Praviercie najaŭnaść abnaŭleńniaŭ — kali jany jość, to ŭstalujcie.
  4. Viarniciesia na pieršuju staronku naładaŭ i abiarycie mieniu «Biaśpieka» (Security).
  5. Naciśnicie «Pravierka biaśpieki» (Google Security checkup).
  6. Kali tam jość abnaŭleńni, to ŭstalujcie ich.

Paśla hetaha praviercie jašče raz, ci pracuje truk z razbłakiroŭkaj, kali ŭ pieršy raz jana prajšła paśpiachova. Kali abnaŭleńni byli i vy ich ustalavali, to, chutčej za ŭsio, nie. Ale kali tak, to adzinaje, što vam zastajecca — pieranieści važnyja danyja z telefona i čakać abnaŭleńnia abo prosta pamianiać telefon.

Čamu tak stałasia?

Vielmi prosta — praz pamyłku prahramistaŭ i teściroŭščykaŭ, jakija nie pravieryli hety scenar.

U Android isnuje kancepcyja «biaśpiečnych ekranaŭ» — to-bok niejkich funkcyjanalnych elemientaŭ, jakija karystalnik moža bačyć biez dostupu da inšych elemientaŭ i zašyfravanaj pamiaci sistemy, jakaja znachodzicca «za parolem». I, hruba kažučy, zamiest taho, kab paśla ekrana źmieny pin-koda viartać ekran razbłakiroŭki, smartfon vyklikaŭ kod, jaki prybiraŭ usie ekrany. Ciapier heta vypraŭlena. Padrabiaznaje techničnaje apisańnie — tut.

«Naša Niva» — bastyjon biełaruščyny

PADTRYMAĆ

Čytajcie jašče:

Jak pačyścić telehram-boty, kab nie zastałosia nijakich śladoŭ VIDEA

Jak nadziejna vyčyścić foty z vašych smartfonaŭ — padrabiazny hajd

Kamientary2

  • Minak
    17.11.2022
    kali ŭ vas što zaŭhodna ad huhł, zaviadzicie na kampie asobnuju tečku dla instrukcyj, a ŭnutry jaščeadnu tečku ź instrukcyjami da instrukcyj...
  • Nałady
    18.11.2022
    Nie nałady, a nastaŭleńni abo nastojki

Ciapier čytajuć

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni14

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni

Usie naviny →
Usie naviny

U minskaj Kamiennaj Horcy dvoje maładych chłopcaŭ nanieśli mužčynu bolš za 130 udaraŭ4

Žychar Łatvii jechaŭ u Biełaruś i paznajomiŭsia z umovami biełaruskaha izalatara dla palityčnych

Ataka biełaruskich kibierpartyzanaŭ naniesła «Aerafłotu» škodu na 10—50 miljonaŭ dalaraŭ10

U Polščy zatrymanyja 32 čałavieki za supracoŭnictva z rasijskimi śpiecsłužbami. Siarod ich jość i biełarusy4

Pra dalar, tańniejšy za try rubli, možna zabycca? Što adbyvajecca z kursam3

Haradziency ŭ adnym miescy zrezali adrazu 114 baravikoŭ1

Anarchisty sfarmulavali čatyry punkty, jakija pavinien vykanać Stryžak, kab vyrašyć kanflikt56

«Prystroić hrošy, kab pracavali». Sumnaja historyja kaviarni, jakaja «nie ŭźlacieła»4

Łukašenka buduje sakretny zavod pa vytvorčaści dronaŭ u Minsku7

bolš čytanych navin
bolš łajkanych navin

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni14

Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni

Hałoŭnaje
Usie naviny →

Zaŭvaha:

 

 

 

 

Zakryć Paviedamić