Łukašenka: Pradpryjemstvy z zamiežnym kapitałam nichto nie pradaść. Heta budzie nacyjanalizavana
Łukašenka papiaredžvaje, što nie dazvolić zamiežnamu biznesu pradavać svaje pradpryjemstvy ci kidać ich. Jon pahražaje ich nacyjanalizavać.
Takuju zajavu jon zrabiŭ padčas naviedvańnia Tałačynskaha rajona.
«Damy treba budavać. Zdajecca, rasijanie niešta robiać padobnaje», — adznačyŭ Łukašenka.
Hubiernatar Viciebskaj vobłaści Subocin paćvierdziŭ, što heta tak.
«I da nas chacieli zachodzić litoŭcy z hetym prajektam», — dadaŭ jon.
Łukašenka adkazaŭ:
«Kab ja i blizka nie bačyŭ vašych bolš litoŭcaŭ, finaŭ i inšych. My viedajem, jak jany zachodzili i jak jany pakidali ŭsio i pavychodzili. My viedajem heta. I zaraz nie chaču nazyvać pradpryjemstva, užo mnie sihnalizujuć, što adny źbiehli, finy. A litoŭcy biehajuć, šukajuć, jak heta, kab nie kinuć pradpryjemstva, a dobra jaho pradać.
Dyk voś jany pavinny viedać, što nichto ničoha nie pradaść z zamiežnym kapitałam. Heta budzie nacyjanalizavana. Voś i ŭsio», — skazaŭ palityk.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary