Usie fihuranty spravy «Rabočaha ruchu» svaju vinu ŭ zdradzie dziaržavie nie pryznali
U sudzie Homiela siońnia, 10 listapada, praciahvajecca razhlad kryminalnaj spravy ŭdzielnikaŭ «Rabočaha ruchu».
Na siońniašnim pasiadžeńni padsudnym było dadziena prava vykazać svajo staŭleńnie da vystaŭlenaha abvinavačvańnia.
Usie 10 fihurantaŭ spravy zajavili sudu, što svaju vinu ŭ dziaržaŭnaj zdradzie i stvareńni ekstremisckaha farmavańnia nie pryznajuć. Abvinavačany Andrej Pahieryła pahadziŭsia tolki z abvinavačvańniem u paklopie.
U spravie naličvajecca 38 tamoŭ, u tym liku sakretny — jaho buduć razhladać asobna.
Fihurantami rasśledavańnia stali dziesiać čałaviek. Siarhiej Šelest, Uładzimir Žuraŭko i Andrej Pahieryła abvinavačvajucca pavodle art. 188 (Paklop), č. 1 art. 356 (Zdrada dziaržavie), č. 3 art. 361-1 (Stvareńnie ekstremisckaha farmiravańnia i ŭdzieł u im) Kryminalnaha kodeksa.
Hanna Abłab, Alaksandr Hašnikaŭ, Siarhiej Dziuba, Ihar Miniec, Valancin Cieranievič i Siarhiej Šamiećka — pavodle č. 1 art. 356 (Zdrada dziaržavie), č. 3 art. 361-1 (Stvareńnie ekstremisckaha farmiravańnia i ŭdzieł u im) Kryminalnaha kodeksa.
Alaksandr Kapšul — pavodle č. 2 art. 295 (Niezakonnyja nabyćcio, zachoŭvańnie i pieravozka bojeprypasaŭ), č. 1 art. 356 (Zdrada dziaržavie), č. 3 art. 361-1 (Stvareńnie ekstremisckaha farmiravańnia i ŭdzieł u im) Kryminalnaha kodeksa.
Sankcyja samaha surovaha artykuła abvinavačvańniaŭ — zdrada dziaržavie — praduhledžvaje da 15 hadoŭ pazbaŭleńnia voli.
«Zrazumieŭ, što zatrymajuć i vykinuŭsia ź ciahnika». Dziesiaciarych biełarusaŭ buduć sudzić za «zdradu dziaržavie» — padrabiaznaści spravy «Rabočaha ruchu»
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Prodaž Biełarusi Rasiei za naftu-haz i mahčymaść kiravać biazterminova - heta nie zdrada dziaržavie?