U Minsku da kanca hoda adkryjuć pieršuju supierchutkuju zaradku dla elektramabilaŭ
Pieršy supierchutki zaradny kompleks dla elektramabilaŭ źjavicca ŭ Minsku da kanca hoda. Jon pavinien zapracavać na razvarotnym kole ŭ mikrarajonie Brylevičy, paviedamiła «Biełarusnafta».
Jak raspavioŭ načalnik upraŭleńnia pierśpiektyŭnych enierhietyčnych technałohij centralnaha aparata kampanii «Biełarusnafta» Alaksiej Nikicienka, u kancy hetaha hoda płanujecca ŭračystaje adkryćcio supierchutkaha zaradnaha kompleksu (SBZK) ahulnaj mahutnaściu 700 kVt u Minsku na razvarotnym kalcy ŭ mikrarajonie Brylevičy.
«Heta pieršy asobna raźmieščany kompleks, jaki nie maje anałahaŭ ni ŭ našaj krainie, ni na terytoryi SND», — udakładniŭ surazmoŭca.
Pavodle słoŭ śpiecyjalista, siarod asnoŭnych pieravah kompleksu — zaradka elektrobusaŭ adnačasova z elektramabilami na vysokaj mahutnaści, sistema nazapašvańnia enierhii, krama biezapieratarnaha handlu, ukaranieńnie sistem «razumnaha horada».
ElektraAZS dazvolić zaradžać elektrobus i vosiem aŭtamabilaŭ. Pry hetym mahutnaść zaradu budzie dzialicca dynamična z pryjarytetam dla elektrobusa.
Taksama «Biełarusnafta» prajektuje vosiem supierchutkich zaradak, jakija buduć uviedzieny ŭ ekspłuatacyju ŭ 2023 hodzie. Miarkujecca, što try ź ich źjaviacca ŭ Minsku, dźvie ŭ Hrodnie i jašče try — na trasie M1.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary