Cierciel raskazaŭ, adkul u Biełaruś rychtujucca ŭvieści vajskovyja kantynhienty
Staršynia Kamiteta dziaržaŭnaj biaśpieki Ivan Cierciel padčas sustrečy z pracoŭnymi kalektyvami pa aktualnych pytańniach vajenna-palityčnaj abstanoŭki, jakaja prajšła siońnia ŭ Mahilovie, padzialiŭsia čarhovymi kanśpirałahičnymi teoryjami.
Padčas svajho vystupleńnia Cierciel źviarnuŭ uvahu na «paradoks». Maŭlaŭ, hramadska-palityčnaja situacyja ŭ Biełarusi ciapier stabilnaja, siłaviki zabiaśpiečvajuć u joj «paradak i biaśpieku». Paradoks ža ŭ tym, što mienavita ŭ suviazi z hetym, maŭlaŭ, i fiksujecca narastańnie pahrozy z terytoryi sumiežnych krain, bo «biehłyja», jakija znachodziacca ŭ ich, «užo nie bačać mahčymaści mirnych pieramienaŭ i aktyŭna raspracoŭvajuć siłavy scenar źmieny kanstytucyjnaha ładu».
Pry hetym staršynia KDB sam sabie supiarečyŭ, bo ŭ inšym miescy adznačyŭ, što «ŭ 2020 hodzie była sproba dziaržaŭnaha pieravarotu, masavyja biesparadki». To-bok nibyta, pavodle jahonaj łohiki, i raniej pra mirnyja pieramieny havorki nie šło, a ździajśniaŭsia siłavy scenar, a z druhoha boku — nibyta jon raspracoŭvajecca tolki ciapier.
Cierciel ža praciahvaŭ nahniatać dalej, paraŭnaŭšy situacyju, jakaja ciapier składvajecca ŭ śviecie, z toj, jakaja składvałasia napiaredadni Pieršaj i Druhoj suśvietnych vojnaŭ. Jak i tady, u śviecie, maŭlaŭ, składajucca kaalicyi krain. A pakolki Biełaruś uvachodzić u kaalicyju z «Kitajem, Rasijaj, Iranam i niekatorymi inšymi krainami», to «kalektyŭny Zachad», jaki składaje supraćlehły błok, rychtujecca pa joj udaryć, prytym «jadziernyja ŭdary, jak heta było ŭ pieryjad isnavańnia Savieckaha Sajuza, u tym liku pa našaj terytoryi płanujucca».
Ale hałoŭnaja «siensacyja», jakoj padzialiŭsia Cierciel z aŭdytoryjaj:
«Jość kankretnyja płany ŭvachodžańnia na našu terytoryju vajskovych kantynhientaŭ, u tym liku z terytoryi Polščy. Viadomaja 101-ja pavietrana-desantnaja dyvizija ZŠA, jakaja častkova ŭžo bazujecca na terytoryi susiedniaj z nami dziaržavy».
U realnaści na terytoryi Biełarusi ź zimy 2022 hoda znachodziacca rasijskija vojski. Mienavita z našaj terytoryi jany zrabili napad na Ukrainu.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
A vłasť, nikohda, putiom vyborov nie podielitsia vłasťju.
Takovy riealii Biełarusi.
Tiertiel, kak i ambrozievič, diemonstrirujut svoju priedannosť sistiemie i Rośsii, i, vtoroje, priedannosť Rośsii - opriedielajuŝim.