Krainy Jeŭrasajuza papiarednie ŭzhadnili novyja sankcyi suprać Rasii
Krainy Jeŭrapiejskaha sajuza dasiahnuli papiaredniaj damoŭlenaści ab uviadzieńni vośmaha pakieta sankcyj suprać Rasii. Jak piša Reuters sa spasyłkaj na svaje krynicy, ambasadary 27 krain ES u Brusieli abmierkavali hetuju prapanovu ŭ piatnicu i «dali zialonaje śviatło, a kančatkovaje ŭchvaleńnie čakajecca na nastupnym tydni».
Adznačajecca, što 27 krain majuć patrebu ŭ adnadušnaści dla ŭviadzieńnia sankcyj, i, kali ich roznahałośsi akažucca zanadta surjoznymi, to abmierkavańnie praciahnuć nacyjanalnyja lidary błoka ŭ Prazie 6-7 kastryčnika.
Pa infarmacyi vydańnia EUObserver, u pryvatnaści, Jeŭrapiejski sajuz maje namier pašyryć čorny śpis rasijan i zabaranić uvoz u ES nafty, stali, ałmazaŭ, ikry i harełki z Rasii.
Piersanalnyja sankcyi płanujecca ŭvieści suprać fiłosafa Alaksandra Duhina i artystaŭ Julii Čyčerynaj, Aleha Hazmanava i Mikałaja Rastarhujeva.
«ES taksama źbirajecca ŭdaryć pa rasijskim ałmazazdabyŭčym hihancie «Ałros», ale paškadavać astatniuju častku ałmaznaha siektara, zabaraniŭšy pry hetym impart ikry, harełki i cyharet», — adznačaje vydańnie.
Jeŭrakamisija taksama kankretyzavała płany pa abmiežavańni cen na rasijskuju naftu. Sudnachodnym firmam i strachoŭščykam budzie zabaroniena pracavać ź joj, kali jaje «pakupnaja cana za barel» nie budzie «na ŭzroŭni abo nižejšaj za zahadzia ŭstalavanuju canavuju miažu», vyznačanuju śpiecyjalnaj kamisijaj kaalicyi G7+.
Taksama prapanovy Jeŭrakamisii nacelenyja «na siabroŭ Rasii ŭ ES». U pryvatnaści, płanujecca zabaranić hramadzianam ES zajmać kiraŭničyja pasady ŭ bujnych rasijskich dziaržaŭnych kampanijach.
Čytajcie taksama:
Jeŭrasajuz choča zabaranić uvozić u Rasiju tualetnuju papieru
Ursuła fon der Lajen: «Stol cenaŭ» na rasijskuju naftu budzie ŭ vośmym pakiecie sankcyj
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma33
Kamientary