Urad Łatvii źbirajecca skasavać pahadnieńnie ź Biełaruśsiu ab uzajemnych pajezdkach hramadzian
Pahadnieńnie było zaklučana 1 žniŭnia 2008 hoda dla palahčeńnia pajezdak žycharoŭ abiedźviuch krain. U MZS Łatvii padkreślili, što ciapier Łatvija nie bačyć mahčymaści dla praciahu damoŭnych adnosin ź Biełaruśsiu ŭ śfiery pajezdak hramadzian. Pytańnie razhledziać 13 vieraśnia.
U 2020 hodzie nabyło moc pahadnieńnie pamiž ES i Biełaruśsiu ab spraščeńni vizavaha režymu. Jano taksama praduhledžvaje vyzvaleńnie ad rehistracyi hramadzian ES, u tym liku Łatvii, asob biez hramadzianstva, jakija pastajanna pražyvajuć na terytoryi Łatvii, i niehramadzian krainy pry znachodžańni na terytoryi Biełarusi da 30 dzion.
Sa spynieńniem dziejańnia damovy budzie prymianiacca zvyčajny paradak rehistracyi, jaki praduhledžvaje, što treba zarehistravacca na praciahu dziesiaci dzion paśla ŭjezdu ŭ Biełaruś, udakładnili ŭ łatvijskim viedamstvie.
Raniej Łatvija vyjšła z pahadnieńnia ab transhraničnym supracoŭnictvie ź Biełaruśsiu.
6 vieraśnia ŭrad susiedniaj krainy pryniaŭ rašeńnie ab prypynieńni vydačy časovych dazvołaŭ na žycharstva hramadzianam Rasii i Biełarusi da 30 červienia 2023 hoda.
Što tyčycca svaich hramadzian, to prymajučy pad uvahu značnyja ryzyki i niepradkazalnaje raźvićcio situacyi ź biaśpiekaj, MZS nastojliva zaklikaje hramadzian Łatvii ŭvohule nie jeździć u Biełaruś.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary