Za paŭhoda ŭ DTZ na biełaruskich darohach zahinuli amal 1500 bujnych žyvioł. Adnych kazul — bolš za tysiaču
U pieršym paŭhodździ na biełaruskich darohach u DTZ zahinuli amal 1500 žyvioł, raskazali ŭ Dziaržinśpiekcyi achovy žyviolnaha śvietu.
Za šeść miesiacaŭ 2022 hoda zafiksavana 1470 DTZ, u jakich zahinuła 1496 žyvioł.
Čaściej za ŭsio padčas avaryj hinuli kazuli (1066 asobin) i łasi (344 asobiny). Akramia taho, u DTZ zahinuli 33 aleni, 49 dzikoŭ i čatyry babry.
Dzikija žyvioły vychodziać na aŭtadarohi pa roznych pryčynach. Čaściej za ŭsio — pry siezonnych źmienach miesca pražyvańnia, a taksama pry pierasoŭvańni da miescaŭ karmleńnia.
«Niekatorych dzikich žyvioł pryciahvajuć raskidanyja darožnymi arhanizacyjami piasčana-solevyja sumiesi, mnohija dzikija ptuški znachodziać na ŭzbočynach daroh drobnyja kamieńčyki, nieabchodnyja dla stravavańnia. Časam dzikija žyvioły vychodziać na asfalt prosta pahrecca i absochnuć ad rasy, bo tempieratura asfaltu zvyčajna vyšejšaja za tempieraturu pavietra. Niaredka dzikija žyvioły vybiahajuć na aŭtadarohi pry pieraśledzie ich drapiežnikami abo palaŭničymi sabakami», — paviedamili ŭ Dziaržinśpiekcyi.
Taksama kiroŭcam varta pamiatać, što dzikija žyvioły najbolš aktyŭnyja ŭ ciomny čas sutak, tamu ŭ pryciemkach varta prajaŭlać pavyšanuju pilnaść. Bolšuju niebiaśpieku ŭjaŭlajuć učastki daroh z drevami i kustami.
«Kali łoś, aleń, zajac abo inšaje dzikaja žyvioła ŭ načny čas akazvajecca ŭ śviatle far, jana aślaplajecca. Ciemra za miežami pučka śviatła ŭsprymajecca jak ściana i žyviolina, jak praviła, pačynaje kidacca, nie bačačy ničoha, akramia aśvietlenaha ŭčastka darohi i zapalenych far. U takoj situacyi varta spynicca, vyklučyć śviatło far (ale pakinuć uklučanymi habarytnyja ahni), uklučyć avaryjnuju śvietłavuju sihnalizacyju, tym samym dać žyviolinie čas adaptavacca da ciemry i pakinuć darohu», — udakładnili ŭ Dziaržinśpiekcyi.
U viedamstvie taksama nahadali, što pry vyjaŭleńni na darohach paranienych, traŭmavanych, chvorych abo miortvych dzikich žyvioł zabaraniajecca ich zabirać, raźbirać ci pieramiaščać. Pra vyjaŭleńnie tušy dzikaj žyvioliny nieabchodna paviedamić u milicyju.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary