Maski stali simvałam pandemii. Ale ci sapraŭdy jany efiektyŭnyja?
Viadoma, što preparaty-steroidy vyratavali za čas pandemii tysiačy žyćciaŭ. A nakolki efiektyŭnymi byli zvyčajnyja maski na tvar, jakija šmat chto nasiŭ i nosić dahetul? Navukovy redaktar The Times Tom Uipł ličyć: nie ŭsio tak adnaznačna.
Tom tłumačyć, što niama sumnievu — maski nasamreč pakazali siabie efiektyŭnym srodkam pry pandemii. Ale jakija maski sapraŭdy dapamahajuć i nakolki? Usie hetyja faktary pavinny ŭličvacca pry vypracoŭcy pravił našeńnia masak. I dla taho, kab pravilna adkazać na hetyja pytańni, treba dobra spłanavanaje vialikaje daśledavańnie, a nie minimalnyja nazirańni.
Toj ža samy niedachop žurnalist bačyć i ŭ idei začyniać škoły, kab źnizić raspaŭsiud infiekcyi. Jon upeŭnieny, što ŭ Brytanii heta sapraŭdy dapamahło, ale nakolki? I ci možna było, naprykład, adčynić škoły na tydzień paźniej? Kali b u navukoŭcaŭ byli dakładnyja danyja na hetuju temu, ź ich dapamohaj možna było b bolš efiektyŭna kantralavać pandemiju.
U 2020 hodzie ŭ Danii navukoŭcy praviali daśledavańnie, u jakim padzialili 6 tysiač čałaviek na dźvie katehoryi. Adny ź ich nasili maski, inšyja — nie, i vyśvietliłasia, što pamiž dźviuma katehoryjami nie było asablivaj roźnicy ŭ kolkaści vypadkaŭ kavidu. Prablema ŭ tym, što daśledčyki čakali roźnicy ŭ 50%, ale atrymali tolki dadatkovyja 15—20% abarony ad kavidu dla ludziej u maskach, i heta datčanam padałosia zanadta małym.
U Banhładešy vučonyja zrabili pa-inšamu: jany paraŭnali kolkaści vypadkaŭ kavidu ŭ vioskach, dzie žycharam raili nasić maski, z tymi vioskami, dzie pra maski nichto nie čuŭ. Kali ludziam rekamiendavali maski, ich papularnaść vyrasła z 13 da 42%, a kolkaść zaražeńniaŭ upała na 12%.
Hetyja ličby śviedčać pra toje, što maski ŭsio ž zdolnyja dapamahać padčas pandemii, ale važna ŭdakładnić — razmova idzie pra miedycynskija maski. Jany zvyčajna składajucca z troch słajoŭ, adzin ź jakich — filtrujučy. Šmat chto vykarystoŭvaje maski z tkaniny, ale ich efiektyŭnaść našmat nižejšaja.
Doktar Sałaviej: Iznoŭ pajšoŭ rost zachvorvalnaści na kavid, zaścierahajciesia i pryščaplajciesia
Kavid škodzić mozhu. Tłumačym, jak heta adbyvajecca
Stali viadomyja piać prykmiet novaha štamu kavidu, jakija vy možacie nie zaŭvažyć
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary