Pamierła Tekla Junievič — najstarejšy čałaviek našaha rehijona za ŭsiu historyju
Tekla Junievič pražyła 116 hadoŭ i 70 dzion. Jana naradziłasia na terytoryi ŭkrainskaj Haliččyny (siało Krupskaje ciapierašniaj Lvoŭskaj vobłaści), kali taja jašče ŭvachodziła ŭ skład Aŭstra-Vienhierskaj impieryi, žyła ŭ tym rehijonie da kanca Druhoj suśvietnaj vajny, a ŭ 1945 hodzie vyjechała razam z sotniami tysiač inšych etničnych palakaŭ z užo SSSR u sacyjalistyčnuju Polšču.
Na vačach narodžanaj 10 červienia 1906 hoda Tekli Junievič prajšli abiedźvie suśvietnyja vajny, Polšča nabyvała i traciła niezaležnaść, nabyvaŭ moc i zaniepadaŭ kamunizm, razvalvałasia savieckaja impieryja i «ŭstavała z kaleniaŭ» Rasija, raźviazvajučy novuju vajnu z pahrozaj pierarastańnia ŭ Treciuju suśvietnuju. A heta žančyna ŭsio žyła.
U apošnija čatyry miesiacy žyćcia starejšaj za Teklu Junievič va ŭsim śviecie była tolki francužanka Lusil Randon, narodžanaja 11 lutaha 1904 hoda. A ŭvohule siarod tych, čyj uzrost absalutna dakładna vieryfikavany na padstavie aryhinalnych dakumientaŭ, jana była 21-ja za ŭsiu historyju. Heta absalutny rekord doŭhažycharstva siarod palakaŭ i tych, chto byŭ narodžany na terytoryi sučasnaj Ukrainy.
Usio paślavajennaje žyćcio Tekla Junievič žyła ŭ horadzie Hlivice (toj samy sumna viadomy kaliści niamiecki Hlajvic, z pravakacyjnaj insceniroŭki ŭ jakim pačałasia Druhaja suśvietnaja vajna) u Vierchniaj Silezii. Heta byli tyja samyja «viernutyja ziemli», jakija Polšča zdabyła paśla vajny ad pieramožanaj Hiermanii jak kampiensacyju za stračanyja terytoryi Zachodniaj Biełarusi i Zachodniaj Ukrainy na ŭschodzie. Jany i zasialalisia ŭ asnoŭnym vymušanymi pierasialencami z hetych ziemlaŭ. U Hlivicach Junievič i pamierła.
Ciapier čytajuć
Aryna Sabalenka vyjšła da minčukoŭ u atačeńni vaśmi achoŭnikaŭ VIDEA13
Kamientary
Vy tam, peŭna, z dubu ruchnuli -- pisać: "za ŭsiu historyju". ....