U Breście budujuć «Jeŭrapiejski kvartał». Kolki kaštujuć hetyja dabłchausy?
Bieraściejski zabudoŭščyk «Paleśsiežyłbud» anansavaŭ prodaž žylla novaha dla abłasnoha centra farmatu.
Zabudoŭščyk prapanuje damy na dźvie siamji z učastkam pamieram 6 sotak. Jeŭrapiejski kvartał u Breście źjavicca ŭzdoŭž vulic Zasima i Nieścierčuka, heta ŭ kolišniaj vioscy Arkadzija na poŭdni horada. Usiaho zapłanavana ŭźvieści 18 takich budynkaŭ na 36 kvater. Try damy płanujecca zdać da kanca hoda.
Dabłchaus — heta žyły błakavany dom, padzieleny na dźvie častki.
Zabudoŭščyk źviartaje ŭvahu na toje, što kancepcyja haradskich žyłych damoŭ, stylistyčna abjadnanych architekturnym rašeńniem, papularnaja na Zachadzie.
Cikava, što zhodna z dakumientami, «Paleśsiežyłbud» pradaje adnapaviarchovaje žytło, z ahulnaj płoščaj 91m². Rabić leśvicu i pieraŭtvarać mansardny pavierch u žyłuju płošču haspadaru dabłchaŭsa daviadziecca samastojna. Mansardnyja vokny ŭ dachu ŭ pieršapačatkovym prajekcie taksama nie praduhledžanyja.
Tym nie mienš, pry žadańni na druhim paviersie možna abstalavać dźvie spalni, sanvuzieł i harderobnuju, havorycca ŭ apisańni da abjekta.
Na pieršym paviersie kvatery znachodziacca dźvie spalni płoščaj kala 15 «kvadrataŭ» kožnaja, kuchnia-haścioŭnia na 40 m², sumiesny sanvuzieł na 4 m², kalidor, tambur i kacielnia.
Kvadrat u takim domie-kvatery kaštuje 2295 rubloŭ, kali da ahulnaj płoščy dadać mansardny pavierch, to košt mietra źnizicca da 1221 rubla. Atrymlivajecca, za paŭtarapaviarchovyja apartamienty z šaściu sotkami ziamli i susiedziami za ścianoj daviadziecca vykłaści kala 81 tysiačy dalaraŭ. Dabłchausy zdajuć z čarnavym azdableńniem i ŭsimi kamunikacyjami.
Čytajcie taksama:
Kolki kaštujuć i jak vyhladajuć samyja darahija kvatery abłasnych centraŭ? Interjer niekatorych vas urazić
Ad 11 tysiač dalaraŭ. Kolki kaštujuć i jak vyhladajuć samyja tannyja kvatery ŭ abłasnych centrach
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
a ścienka sumiestnaja z čaho? ci jość tam hukaizalacyja?
"stylistyčna abjadnanych architekturnym rašeńniem,"
jany ž adnolkavyja. niecikava