«Biełarusbank» istotna padniaŭ kamisiju za niekatoryja pieravody z-za miažy
«Biełarusbank» z 4 lipienia pavysiŭ da 15% kamisiju za bieznajaŭnyja pieravody na rachunki fizičnych asob z-za miažy z vykarystańniem kartki abo jaje rekvizitaŭ, to-bok «z kartki na kartku». Havorka ŭ tym liku pra pieravody pa Visa Direct, Mastercard MoneySend, Biełkart/Mir. Raniej zbor składaŭ 1% ad sumy, piša «Zierkało».
Novaŭviadzieńnie tyčycca zaličeńnia pa pieravodach pa rekvizitach kartki, ale nie rachunka, udakładnili ŭ kantakt-centry «Biełarusbanka». Što tyčycca bieznajaŭnych pieravodaŭ z-za miažy na rachunak z vykarystańniem kartki, to bank spahaniaje kamisiju ŭ 2% ad sumy (kali rachunak adkryty ŭ nacvalucie) abo 1,5% ad sumy, kali rachunki ŭ valucie (u abodvuch vypadkach maksimalnaja suma zboru — 500 rubloŭ).
«Zaličeńnie hrašovych srodkaŭ, jakija pastupili ŭ vypadku ažyćciaŭleńnia pieravodu z kanviersijaj abo z kuplaj zamiežnaj valuty, ažyćciaŭlajecca z prymianieńniem abmiennych kursaŭ apieracyjnaj słužby ŭstanovy banka, ustanoŭlenych dla praviadzieńnia apieracyj za bieznajaŭny raźlik na datu i čas zaličeńnia hrašovych srodkaŭ na rachunak klijenta» — udakładnili ŭ kantakt-centry banka.
Kamientary