Pamior uradženiec Minska, stvaralnik Čaburaški Leanid Švarcman. Jamu byŭ 101 hod
Leanid Švarcman naradziŭsia 30 žniŭnia 1920 hoda ŭ Minsku na vulicy Rakaŭskaj, u siamji razmaŭlali na idyš. Skončyŭ mastackuju škołu ŭ Minsku.
«Potym u Leninhrad pierajechaŭ, dzie vučyŭsia ŭ škole Akademii mastactvaŭ, a kab vyžyć, uładkavaŭsia na Kiraŭski zavod. Padčas błakady tam pracavaŭ tokaram. U 1941-m nas evakuiravali ŭ Čelabinsk. Tokaram pracavaŭ usiu vajnu», — raspaviadaŭ pra siabie Leanid Švarcman.
Paśla vajny pastupiŭ u VHIK, pracavaŭ na studyi «Sajuzmultfilm».
Mnohija multfilmy, stvoranyja pry jaho ŭdziele, stali kłasičnymi. Siarod ich — «Śniežnaja karaleva», «Załataja Antyłopa», «Krakadził Hiena», «Kaciania pa imiei Haŭ», «38 papuhajaŭ», «Punsovaja kvietka».
Mienavita Leanid Švarcman stvaryŭ vobraz Čaburaški i inšych hierojaŭ mulcika, a taksama pramalavaŭ eksterjery ŭ im.
Kali pryhledziecca, to damki ŭ «Krakadzile Hienie» nahadajuć Niamihu, Vierchni horad i Rakaŭskaje pradmieście.
«Ja nie dumaŭ pra Minsk, kali malavaŭ mulciki i budynki, na fonie jakich adbyvajucca pryhody Čaburaški i Krakadziła Hieny, — pisaŭ mastak. — Minsk źjaviŭsia ŭ multfilmach sam, pa ŭłasnaj voli, z majoj pamiaci».
Švarcman taksama napisaŭ sieryju karcin: «Stary Minsk. Uspaminy dziacinstva».
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy9
Kamientary