Pieramožca nacyjanalnaha finału dziciačaha konkursu pieśni «Jeŭrabačańnie-2009» vykanaje pieśniu «Santa Lučyja».
Pieramožca nacyjanalnaha finału dziciačaha konkursu pieśni «Jeŭrabačańnie-2009» vykanaje pieśniu «Santa Lučyja».
25 vieraśnia pieramožca nacyjanalnaha finału dziciačaha konkursu pieśni «Jeŭrabačańnie-2009» Juryj Dziemidovič vystupić na mierapryjemstvie ŭ miežach vizitu ŭ Biełaruś patryjarcha Maskoŭskaha i ŭsiaje Rusi Kiryła. Pra heta paviedamiŭ nastaŭnik vykanaŭcy, mastacki kiraŭnik kapeły chłopčykaŭ himnazii-kaledža pry Biełaruskaj akademii muzyki Uładzimir Hłušakoŭ 11 vieraśnia na pres-kanfierencyi ŭ Minsku.
Pavodle jaho słoŭ, Juru Dziemidoviča zaprasili solna vystupić u Pałacy Respubliki. Jon vykanaje pieśniu «Santa Lučyja».
Jak paviedamiŭ Hłušakoŭ, u jaho vychavanca bahaty vopyt vystupleńniaŭ. Jon śpiavaŭ jak u składzie kapeły chłopčykaŭ, hetak i solna. Tak, Dziemidovič saliravaŭ u muzyčnym numary na vystupleńni padčas pryjezdu ŭ Minsk patryjarcha Maskoŭskaha i ŭsiaje Rusi Alaksija II.
U składzie kapeły chłopčykaŭ Juryj nieadnarazova vystupaŭ u Hiermanii, Francyi i inšych krainach. Adno z najbolš zapaminalnych vystupleńniaŭ — na kancercie ŭ honar hadaviny adkryćcia pomnika słavutamu vijałančelistu Mścisłavu Rastrapoviču ŭ akademii jaho imia ŭ Frankfurcie (Hiermanija). Kapeła chłopčykaŭ vystupała sa znakamitym vijałančelistam Michaiłam Majskim, adnym z vučniaŭ Rastrapoviča.
«U mianie pytajucca, kolki vy rychtavalisia da «Jeŭrabačańnia». My rychtavalisia da hetaha ŭsio žyćcio», — zaznačyŭ Hłušakoŭ.
Rabočy vizit u Biełaruś patryjarcha Maskoŭskaha i ŭsiaje Rusi Kiryła zapłanavany na 25—28 vieraśnia.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary