Sustreča z byłym prezidentam ZŠA adbyłasia ŭ Kapienhahienie.
«Heta była vielmi ciopłaja sustreča. Barak adznačyŭ, što nam treba paznajomicca ź Mišel Abamaj, i vykazaŭ słovy zachapleńnia našaj pracaj i biełarusami.
My šmat havaryli pra Biełaruś. Ja raspaviała pra biełaruskich aktyvistaŭ, žurnalistaŭ, apošnija represii suprać prafsajuznych lidaraŭ i partyzanaŭ. Kaniešnie, abmiarkoŭvali vajnu va Ukrainie. My zhodnyja, što ciapier va Ukrainie vyrašajecca budučynia i Ukrainy, i Biełarusi, a taksama ŭsioj Jeŭropy.
Ja była radaja i tamu, što ŭ nas atrymałasia zakranuć temy prahramaŭ dla represavanaj moładzi i studenctva. Ja paprasiła Baraka zrabić Biełaruś fokusam jahonaj arhanizacyi Young Obama leaders i zaprašać maładych lidaraŭ da ŭdziełu ŭ mižnarodnych treninhach i stažyroŭkach.
Takija sustrečy zapeŭnivajuć mianie, što ŭ biełarusaŭ našmat bolš siabroŭ, čym nam zvyčajna zdajecca», — paviedamlaje pres-słužba Śviatłany Cichanoŭskaj.
Kamientary