«Zavieźli na biełaruskuju miažu i pieradali KDB». Stała viadoma, jak nasamreč zatrymlivali žurnalista «Kamsamolskaj praŭdy» Mažejku
Žurnalista «Kamsamolskaj praŭdy ŭ Biełarusi» Hienadzia Mažejku zatrymali jašče ŭ kastryčniku. Uziali jaho ŭ maskoŭskim aeraporcie. Jak heta adbyłosia, jon raskazaŭ svaim sukamiernikam. I heta viersija razychodzicca z tym, što raniej ahučvała MUS.
Historyju Mažejki raskazaŭ «Viaśnie» prahramist Alaksiej Kavaleŭski, jaki niejki čas siadzieŭ z žurnalistam.
«Ja zaśpieŭ, kali jon znachodziŭsia na pieršaj stadyi: «Jany ž raźbiarucca, zaraz mianie adpuściać». Heta dobry i ščyry čałaviek, časam navat jak dzicio. Jon vielmi mocna spadziavaŭsia, što za jaho zastupicca ruskaja častka haziety i jaho vyzvalać, ale było bačna, što hetaha nie budzie, miarkujučy pa artykułach, jakija jamu inkryminavali, i pa rezanansnaści spravy.
Hienadź raskazvaŭ nam, jak jaho zatrymali. Jon pajechaŭ u Maskvu i chacieŭ adtul vylacieć kudyści. Jaho zatrymali supracoŭniki FSB u aeraporcie ŭ Maskvie. Potym zavieźli na biełaruskuju miažu i pieradali KDB Biełarusi. Rasiejcy tut supracoŭničali biez usialakich pracedur.
Žurnalist kazaŭ, što jaho čakali ŭžo ŭ Maskvie. Jašče da pašpartnaha kantrolu, pavodle Hienadzia, da jaho padychodzili niejkija ludzi i šušukalisia. Na pašpartnym kantroli jaho ŭziali pad ruki i ŭsio».
Ministerstva ŭnutranych spraŭ raniej zajaŭlała, što Mažejku zatrymali ŭ Minsku. Pa ich viersii, žurnalist chacieŭ z Rasii vylecieć u treciuju krainu, ale pry sprobie zrabić heta daviedaŭsia, što byŭ pryznany niepažadanym na terytoryi Rasii. Tamu nikudy vylecieć jon nie zmoh i, jak śćviardžałasia, viarnuŭsia ŭ Biełaruś, dzie i byŭ zatrymany.
Hałoŭny redaktar rasijskaj «Kamsamołki» Uładzimir Sunhorkin tak apisvaŭ zatrymańnie:
«Nieaficyjna my viedajem nastupnaje: kali jon pryjechaŭ u aeraport Šaramiećcieva na rehistracyju rejsa ŭ Varšavu, da jaho padyšli supracoŭniki našych śpiecsłužbaŭ — znoŭ ža, ja kažu «našy» nieaficyjna — i skazali: «Darahi tavaryš Mažejka Hienadź, vy ličyciesia ŭ nas u śpisach niepažadanych pierson i pavinny pakinuć Maskvu», — raspavioŭ Sunhorkin.
Jak ja razumieju, jon adkazaŭ: «Achvotna pakinu, voś moj kvitok u Varšavu». «Vybačajcie, nie-nie-nie, vy pavinny pakinuć Maskvu i viarnucca tudy, adkul vy da nas prybyli, vy pavinny viarnucca ŭ Minsk, i my vam u hetym dapamožam».
Hałoŭny redaktar «KP» adznačaŭ, što Mažejka praviali ŭ samalot na rejs u Minsk, tam jaho sustreli supracoŭniki KDB Biełarusi i ŭžo praviali zrazumieła kudy.
Hienadź Mažejka ciapier na Vaładarcy. Jaho abvinavačvajuć pa art. 369 KK (abraza pradstaŭnika ŭłady) i art. 130 (raspalvańnie varožaści).
Čytajcie taksama:
Fatohraf, zachaplajecca technałohijami i aŭto — kalehi pra zatrymanaha žurnalista «Kamsamołki» Hienadzia Mažejku
«Da nas u les na dopyt potym pryvieźli Alesiu Bunievič». Ź Biełarusi ŭdałosia vyrvacca čałavieku, jaki staŭ śviedkam apieracyi KDB z udziełam rejkavych partyzan
-
MZS Biełarusi paviedamiŭ, kali adkryjecca miaža dla litoŭskich hruzavikoŭ
-
«Niekatorych maich siabroŭ biełaruščynaj pierakarmili». Jak naradzicca i ŭsio žyćcio pražyć u Sibiry, a ličyć siabie biełaruskaj?
-
Dziadok — apazicyjanieram: Zajmajučysia dyskredytacyjaj Ofisa Cichanoŭskaj, vy ljacie vadu na młyn režymu
Ciapier čytajuć
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch66
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch6
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary