Ministerstva ŭnutranych spraŭ apublikavała zajavu adnosna zatrymańnia žurnalista «Kamsamolskaj praŭdy» Hienadzia Mažejki.
Jak śćviardžajuć u ministerstvie, žurnalist chacieŭ z Rasii vylecieć u treciuju krainu, ale pry sprobie zrabić heta jon daviedaŭsia, što byŭ pryznany niepažadanym na terytoryi Rasii. Tamu nikudy vylecieć jon nie zmoh i, jak śćviardžajecca, viarnuŭsia ŭ Biełaruś.
— Nakolki nam viadoma, hramadzianin Mažejka vyjechaŭ z terytoryi Biełarusi ŭ Rasijskuju Fiederacyju, dzie pradpryniaŭ sprobu vylecieć u treciuju krainu, adnak z ulikam pryniataha raniej rasijskimi pravaachoŭnymi orhanami rašeńnia ab niepažadanaści znachodžańnia na terytoryi hetaj krainy ŭ vyjeździe z terytoryi Rasijskaj Fiederacyi jamu było admoŭlena i pradpisana vybyć z terytoryi dadzienaj dziaržavy. Mažejka ŭ vyznačanym paradku vyjechaŭ z terytoryi Rasii i prybyŭ na terytoryju Biełarusi, dzie dalej i byŭ zatrymany, — havorycca ŭ aficyjnym kamientary MUS.
U vyniku Mažejku zatrymali na terytoryi Biełarusi ŭ ramkach zaviedzienaj na jaho kryminalnaj spravy pa č. 3 art. 130 (raspalvańnie rasavaj, nacyjanalnaj abo relihijnaj varožaści abo roźni) i art. 369 (abraza pradstaŭnika ŭłady) KK.
Raniej źjaŭlałasia infarmacyja, što Hienadź Mažejka byŭ zatrymany ŭ Maskvie, dzie znachodziŭsia pa asabistych spravach. Jašče 30 vieraśnia baćki žurnalista razmaŭlali z synam pa videasuviazi z maskoŭskaha hatela.
Kreml pa spravie zatrymanaha žurnalista «Kamsamołki»: «Pakul niama adčuvańnia, što ŭ Minsku čujuć našu pazicyju»
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary