Zialenski daručyŭ vajskoŭcam pravieryć, ci hatovyja jany da napadu ź Biełarusi
U sieradu prezident Ukrainy Uładzimir Zialenski sabraŭ pasiadžeńnie Staŭki hałoŭnakamandujučaha adnosna mahčymaj pahrozy novaha ŭvarvańnia z boku Biełarusi, na jakim daručyŭ pravieści pravierku hatoŭnaści ŭ čatyroch abłaściach. Pra heta skazaŭ sakratar Rady nacyjanalnaj biaśpieki i abarony Ukrainy Alaksiej Daniłaŭ u efiry prahramy «Havoryć vialiki Lvoŭ» u čaćvier, paviedamlaje «Ukrainskaja praŭda».
Daniłaŭ skazaŭ:
«Što tyčycca kirunku ź Biełarusi. Ja chaču paviedamić, što, akramia RNBA, Staŭka viarchoŭnaha hałoŭnakamandujučaha…
Učora prezident sabraŭ Staŭku, i prahavorvałasia mienavita hetaje pytańnie — pytańnie Biełarusi.
Davali acenku ŭsie našyja orhany, jakija da hetaha datyčnyja — što tam adbyvajecca, u jakim stanie znachodzicca siońnia armija Biełarusi, kolki tam vajskoŭcaŭ RF, jakija płany. Usio heta znachodzicca na kantroli našaha prezidenta, i Staŭka ŭčora mienavita z hetaj nahody pracavała davoli doŭha. I ja liču, što dastatkova efiektyŭna.
U vyniku jość daručeńnie — ciapier budzie adbyvacca pravierka ŭ čatyroch abłaściach stanu padrychtoŭki ŭ vypadku, kali buduć adbyvacca takija paŭtornyja vykliki dla našaj krainy».
Daniłaŭ, praŭda, nie ŭdakładniŭ, u jakich mienavita abłaściach budzie praviedzienaja pravierka. Uvohule ź Biełaruśsiu miažujuć 5 abłaściej Ukrainy: Čarnihaŭskaja, Kijeŭskaja, Žytomirskaja, Rovienskaja i Vałynskaja.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary