Adpačynak na Brasłaŭskich aziorach. Kolki ŭ hetym siezonie kaštuje źniać pakoj, dom ci zaniać miesca na turstajancy

Jak u horadzie

Na terytoryi nacyjanalnaha parka jość čatyry bazy adpačynku i Dom rybaka.

Na najbujniejšaj bazie stajać try korpusy ŭ niekalki pavierchaŭ, dzie možna žyć jak u haścinicy, charčavacca ŭ restaranie, chadzić u azdaraŭlenčy kompleks, a na bazach pamieniej — adpačynak jak u vioscy — u katedžach roznaha pamieru.

Kali vybirać haściničnaje žyćcio ŭ karpusach, to košt pražyvańnia ŭ dvuchpakajovych numarach taki: 1 čałaviek — ad 90 rubloŭ, 2 čałavieki — 120, dadatkovaje miesca — 50. Adnapakajovy 2-miascovy numar: 1 čał — 50 rubloŭ, dva — 90.

Za dadatkovuju płatu prapanujuć ekskursii, palavańnie i rybałku, vodnyja prahułki i inšyja zabavy. Ale varta ŭličyć, što zajaŭki na braniravańnie prymajucca z umovaj vybaru poŭnaha pansijonu abo dvuch elemientaŭ charčavańnia na vybar. Poŭny pansijon — 40 rubloŭ. Śniadanak — 9,55 rub., abied — 15,75 rub., viačera — 14,70 rub.

Na bazach adpačynku z katedžami košt za dom — ad 63 da 350 rubloŭ. Naprykład, domik na 60 kvadrataŭ (z usimi vyhodami i kaminam), raźličany na šeść čałaviek, abydziecca ŭ 280 rubloŭ za sutki. Dvuchpaviarchovy katedž — 340-350 rubloŭ. Nievialikija domiki na dvaich — ad 63 da 150 rubloŭ. Na asobnych bazach možna źniać i numar u katedžy. Z charčavańniem taja ž historyja.

Jak u vioscy

Na Brasłaŭskich aziorach u roznych nasielenych punktach jość siadziby i katedžy, jakija pryvatniki prapanujuć zdymać pasutačna. Abjaŭ na roznych internet-placoŭkach dastatkova. Ale čym bližej da leta, tym składaniej vybrać datu.

Košt zaležyć ad umiaščalnaści i kamfortu doma. Naprykład, možna źniać katedž na bierazie voziera za 350 rubloŭ za sutki, dzie buduć usie vyhody (internet, televizar, haračaja vada i padobnaje), a žyć tam mohuć dziesiać čałaviek.

Jość i vialikija kompleksy, dzie ŭ chatkach i pakojach mohuć adnačasova žyć da 80 čałaviek. Tam numary (biez kuchni) na 2-4 čałaviek kaštujuć 100-120 rubloŭ, a trochpakajovyja damki — ad 150 rubloŭ. Možna zamović trochrazovaje charčavańnie za 36 rubloŭ na čałavieka.

U adnym z haściavych damoŭ prapanujuć 11 numaroŭ, raźličanych na 3-4 čałaviek. Košt numara — ad 160 da 230 rubloŭ za sutki biez charčavańnia. Ale jość kuchni, dzie možna hatavać samim. Nie chočacie hatavać — u budnyja dni pryviazuć kompleksny abied za siem rubloŭ.

U pałatkach

Ale tysiačy ludziej, jakija jeduć na Brasłavy, chočuć žyć nie ŭ horadzie, a jak sapraŭdnyja turysty — u pałatkach, a hatavać u kaciałku na vohniščy.

Na terytoryi nacyjanalnaha parka «Brasłaŭskija aziory» abstalavana vosiem turystyčnych stajanak ahulnaha typu. Jany raźmieščanyja pobač z aziorami i abstalavanyja naviesami (altankami), vohniščami, śmiećciazbornikami, tualetami.

Płata za adnaho čałavieka — ad 5 da 9 rubloŭ za sutki.

Mašynu možna pastavić pobač, ale nie bližej za 30 mietraŭ ad bieraha.

Dla łoŭli ryby treba kupić pucioŭku. Za miežami stajanak, raźbivać łahiery nielha. Drovy možna pryvieźci z saboj, a možna kupić na miescy. Ale zabraniravać zahadzia takuju stajanku nielha.

Prapanujuć i zakaznyja turystyčnyja stajanki (ich 67): ad 40 da 100 rubloŭ za sutki. Košt zaležyć ad abstalavańnia i płoščy.

«Na narmalny adpačynak spatrebicca kala 2000 dalaraŭ». Jakija pucioŭki prapanujuć biełaruskija turfirmy

• 7
• 0
• 5
• 10
• 10
• 4
• 1
• 0