«Roma» abo «Ajaks»; «Hałatasaraj» a moža «Łacyjo», A moža znoŭ «Leŭski» ci baski ź Bilbao. Padajem poŭnuju raskładku čatyroch košykaŭ.
BATE trapiŭ u čaćvierty košyk — pakolki ŭsie kamandy raźmierkavanyja zhodna z rejtynham.
Naš rejtynh — 7,733, heta 43‑ie miesca z 48 kamandaŭ (38 prajšli adbor plej‑of + 10 kamand, što vylecieli ź plej‑of Lihi čempijonaŭ: h.zn. «Šeryf», «Leŭski», «Siełtyk» i h.d)
Razam z nami u 4‑m košyku, i nam NIE TRAPIACCA:
CSKA Safija, jaki vybiŭ maskoŭskaje «Dynama», «Tułuza», ČFR (Kłuž, Rumynija), «Dženoa», «Rapid» Viena, «Tymišaara», partuhalski «Nasijanał», što vynies ź Lihi Jeŭropy «Zienit», «Zalcburh», «Šturm» (dźvie - Aŭstryja), «Vientśpiłs», jaki vybiŭ BATE z 3-ha raŭndu Lihi čempijonaŭ i sam vylecieŭ ź plej-of, «Šeryf» Małdova. Padapiečnyja Leanida Kučuka, miž inšym, majuć najhoršy rejtynh — 1,333.
A chto moža trapicca. H.zn. pa adnoj kamandzie z 1‑ha, 2‑ha, 3‑ha košykaŭ.
Pieršy košyk: «Šachcior» Danieck — minułahodni ŭładalnik Kubku UEFA; «Vierder» Bremien —kamanda z najbolšym rejtynham — 91.339, «Viljareał», — adna ź lubimych kamand, darečy, hałoŭnaha treniera BATE Viktara Hančarenki, «Roma», «PSV» Ejndchovien, «Hamburh», «Sportynh» Lisabon, što vylecieŭ ź plej‑of Lihi čempijonaŭ, «Bienfika», «Valensija», «Ajaks», «Panacinaikas», «Ściaŭa».
Druhi košyk: «Fienierbachče», «Bazel», «Lil», «Eviertan», «Siełtyk», «Bruhie», «Chierenvien», «Hałatasaraj», «Anderlecht», «Aŭstryja», «Kapienhahien», «Łacyjo».
Treci košyk: «Hierta» Bierlin, «Sparta» Praha, «Dynama» Bucharest, AJEK Afiny, «Słavija» Praha, «Leŭski», «Atletyk» Bilbao, «Partyzan» Białhrad, «Chapael» Tel‑Aviŭ, «Tvente» (Hałandyja), «Dynama» Zahrab, «Fułchem», jaki pieramoh piermski «Amkar».
Źviartaje ŭvahu toje, što niama nivodnaha rasijskaha kłuba - usie jany vybyli ź plej-of.
48 kamand buduć raźbityja na 12 hrup, pa 4 kłuby ŭ kožnaj. U hrupach budzie praviedzieny dvuchkruhavy turnir. Matčy projduć 17 vieraśnia, 1 kastryčnika, 22 kastryčnika, 5 listapada (heta čaćviarhi), 2‑3 śniežnia i 16‑17 śniežnia (sierada, čaćviarhi).
U plej‑of (1/16 finału) vychodziać pa dźvie najlepšyja kamandy z hrupy (24 + 8 kamandaŭ, što zojmuć trecija miescy ŭ hrupavym turniry Lihi čempijonaŭ). Finał Lihi Jeŭropy projdzie 12 traŭnia ŭ Hamburhu.
BATE budzie chatnija matčy hulać u Minsku.
***
Nahadajem, barysaŭcy ŭčora razhramili ŭ haściach bałharski «Liteks» ź likam 4:0 (pieršy matč — 0:1).
Losavańnie siońnia a 13:45 u šviejcarskim Ńjonie.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary